"زیانی هێرشه‌كان بۆ سه‌ر كه‌نداو به‌ پاره‌ی بلۆككراوی ئێران قه‌ره‌بوو ده‌كرێته‌وه‌"

وێستگه‌نیوز -
وه‌زیری گه‌نجینه‌ی ئه‌مریكا رایگه‌یاند كه‌ حكومه‌تی ئه‌مریكا له‌ پاره‌ی بلۆككراوی ئێران قه‌ره‌بووی ئه‌و زیانانه‌ ده‌كاته‌وه‌ كه‌ تاران به‌ وڵاتانی كه‌نداوی گه‌یاندووه‌.

سكۆت بێسێنت وه‌زیری گه‌نجینه‌ی‌ ئه‌مریكا له‌ پلاتفۆڕمی‌ (X) نووسیویه‌تی‌: "ڕژێمی ئێران هه‌ر زیانێك به‌ هاوپه‌یمانانمان له‌ كه‌نداو بگه‌یه‌نێت، خه‌رجییه‌كه‌ی له‌و پارانه‌ی ناو هه‌ژماره‌كانی ئێران ده‌درێت".

جه‌ختیشی كرده‌وه‌ له‌ شكستهێنانی ئێران "له‌و یاریانه‌ی" ئه‌نجامی ده‌دات و وتی، "هه‌ر سه‌رانه‌یه‌ك كه‌ ده‌درێت به‌ ده‌سه‌ڵاتی كه‌نداوی گه‌رووی فارس دواتر له‌ پاره‌ی هه‌ژماره‌كانیان ده‌بڕدرێت".

سكۆت بێسێنت هۆشداری دا به‌ به‌رده‌وامی كرده‌ سه‌ربازییه‌كانی ئێران و روونیكرده‌وه‌ كه‌ "ده‌بنه‌ هۆی قوڵكردنه‌وه‌ی لێكه‌وته‌ ئابوورییه‌كان بۆ تاران".

The Iranian regime will lose the zero-sum game it is playing.

Any damage it inflicts on our allies in the Gulf will be paid for with funds extracted from Iranian Accounts.

Any tolls paid to the Persian Gulf Strait Authority will be offset by funds extracted from their accounts.…

— Treasury Secretary Scott Bessent (@SecScottBessent) June 11, 2026

هه‌رچه‌نده‌ هه‌تا ئێستا هیچ ژماره‌یه‌كی فه‌رمی له‌به‌رده‌ست نییه‌، به‌ڵام مه‌زه‌نده‌ ده‌كرێت سامانی ئێران به‌ به‌های زیاتر له‌ 100 ملیار دۆلار له‌ جیهاندا بلۆككرابێت.

یه‌كێك له‌ خاڵه‌ سه‌ره‌كییه‌كانی گفتوگۆی نێوان ئه‌مریكا و ئێران بۆ ڕێككه‌وتن بریتییه‌ له‌ چاره‌نووسی ئه‌و پاره‌ بلۆككراوانه‌. به‌ گوێره‌ی ئاژانسی ڕۆیته‌رز، ئێران داو ده‌كات له‌ ڕێككه‌وتنه‌كه‌دا نزیكه‌ی شه‌ش بۆ 12 ملیار دۆلاری بلۆككراوی بۆ بگه‌ڕێنرێته‌وه‌.

AM:09:44:12/06/2026

ئه‌م بابه‌ته 280 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت