عەلی زەیدی وەک سەرۆک وەزیرانی نوێی عێراق دەستبەکار بوو
.jpg)
وێستگەنیوز-
ئەمڕۆ شەممە، 16ـی ئایاری
2026، عەلی زەیدی، لە رێوڕسمێکی تایبەتدا وەک سەرۆک وەزیرانی نوێی فیدراڵ و فەرماندەی
گشتیی هێزە چەکدارەکانی عێراق؛ دەستبەکار بوو.
عەلی زەیدی لە کۆشکی سەرۆکایەتیی حکوومەت لە بەغدا، لە لایەن محەمەد شیاع
سودانییەوە پێشوازی لێ کرا و ئەرکەکەی لێ وەرگرت.
لە رێوڕەسمەکەدا، وەک نەریتێکی پڕۆتۆکۆلیی عێراق لە کاتی
رادەستکردنی پۆستی سەرۆکوەزیرانی فیدراڵ؛ 21 گولـلەتۆپ تەقێنران وەک نیشانەیەک بۆ
رێزگرتن و پێشوازیکردن.
رۆژی پێنجشەممە، 7ـی
ئایاری 2026، عەلی زەیدی، سەرۆکوەزیرانی راسپێردراو، کارنامەی وەزاریی حکوومەتی نوێی
عێراقی پێشکەش بە هەیبەت حەلبووسی، سەرۆکی پەرلەمان کرد و رۆژی پێنجشەممە، 14ـی ئایاری
2026، متمانەی پەرلەمانی وەرگرت و دەنگ بە 14 وەزیری کابینەکەی درا.
AM:11:15:16/05/2026
ئهم بابهته 944
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت