ماوەى دوورکەوتنەوەى دی یۆنگ ئاشکرا بوو
.jpg)
وێستگە سپۆرت-
ڕاپۆرتە ڕۆژنامەوانییەکان ماوەی چاوەڕوانکراوی ئامادەنەبوونی ئەستێرەی یانەی بەرشەلۆنە، فرێنکی دی یۆنگیان ئاشکرا کردووە، بەهۆی ئەو پێکانەی کە لە یارییەکەی دوێنێ بەرامبەر ڕیاڵ مەدرید تووشی بووە.
دی یۆنگ نەیتوانی یارییەکە تەواو بکات، دوای ئەوەی لە تایمى یەکەمدا تووشی پێکان بوو.
بە گوتەی ڕۆژنامەنووس تۆنی خوان مارتی، بەیانی ئەمڕۆ فرێنکی دی یۆنگ پشکنینی MRI بۆ دەکرێت بۆ ئەوەی ڕادەی پێکانەکەی بزانرێت.
ڕوونیشیکردەوە، هەستێک هەیە دی یۆنگ بۆ ماوەی 4-5 هەفتە کەمتر لە یاریگاکان دوورنابێتەوە، هەربۆیە لەم وەرزەدا دووبارە گەڕانەوەی بۆ بەرشەلۆنە قورس دەبێت.
دی یۆنگ لەم وەرزەدا تووشی پێکانێکی زۆر بوو، بەو پێیەی لە 15 یاریدا لە پاڵەوانێتییە جیاوازەکاندا بەشداری نەکردووە.
AM:10:50:22/04/2024
ئه‌م بابه‌ته 264
جار خوێنراوه‌ته‌وه