لاوتارۆ مارتینێز بابەتی پەیوەندیكردنی بە بەرشەلۆنەوە یەكلایی كردەوە
.jpg)
وێستگە سپۆرت-
لاوتارۆ مارتینێزی ئەرجەنتینی یانەی بەرشەلۆنەی ئیسپانی بێ هیوا دەكات و دەڵێت ئینتەرمیلان ماڵی منە و ئاسودەم تێیدا و بابەتی چونی بۆ بەرشەلۆنە كۆتایی پێدەهێنێت .
ماوەیەكە ناوی لاوتارۆ مارتینێز لە لایەن رۆژنامەكانی ئەوروپاوە دەبەسترێتەوە بە یانەی بەرشەلۆنەوە و زۆرێك لەسەرچاوەكان باس لەوە دەكەن كە یانە كەتەلۆنییەكە لە كۆتایی وەرزی ئەمساڵدا گرێبەست لەگەڵ ئەو هێرشبەرە ئەرجەنتینيە واژوو دەكات .
لە لێدوانێكیدا بۆ پێگەی سكای سپۆرتی جیهانی لاوتارۆ دەڵێت: بە نیسبەت منەوە دووپاتیدەكەمەوە كە ئینتەرمیلان ماڵی منە و بە باشترین كاتی ژیانم تێدەپەڕم لەو یانەیە .
لاوتارۆ دەشڵێت: بەرپرسانی ئینتەرمیلان لەیەكەم رۆژەوە متمانەیان بە تواناكانی من هەبووە وئەوەش گرنگترین شتە بۆ یاریزان.
لە كۆتایشدا لاوتارۆ وتی : لە ئێستادا تەنها بیرو هۆشم لای راهێنانەكانی یانەكەم و بەرگریكردنە لە درێسی تیپەكەم .
PM:04:06:06/12/2019
ئه‌م بابه‌ته 15224
جار خوێنراوه‌ته‌وه