رۆژنامه‌ی‌ دۆن باڵۆنی‌ ئیسپانی‌ ئاماژه‌ی‌ به‌وه‌ كردووه‌ كه‌ كارگێڕی‌ یانه‌ی‌ پاریس سانجێرمان ئاره‌زووی‌ گواستنه‌وه‌ی‌ مۆرینهۆ ده‌كه‌ن بۆ راهێنه‌رایه‌تی‌ یانه‌كه‌یان و سێ هۆكاریش ئه‌و راهێنه‌ره‌ له‌ یانه‌ پاریسییه‌كه‌ نزیك ده‌كاته‌وه‌ .

هۆكاری‌ یه‌كه‌م ئه‌زمونی‌ ئه‌و راهێنه‌ره‌یه‌ له‌خولی‌ یانه‌ پاڵه‌وانه‌كانی‌ ئه‌وروپا كه‌ یانه‌ی‌ پاریس سان جێرمان خه‌ون به‌و نازناوه‌وه‌ ده‌بینێت .

هۆكاری‌ دووه‌میش هێوركردنه‌وه‌ی‌ به‌شێك له‌و یاریزانانه‌ی‌ یانه‌كه‌یه‌ كه‌ دوای‌ ده‌ركرانیان له‌ خولی‌ یانه‌ پاڵه‌وانه‌كان ده‌یانه‌وێت تیپه‌كه‌ جێبهێڵن .

هۆكاری‌ سێیه‌میش كارگێری‌ پاریس سانجێرمانه‌ كه‌ ده‌یانه‌وێت تۆخێل له‌ راهێنه‌رایه‌تی‌ یانه‌كه‌ دووربخه‌نه‌وه‌ .