لە خولی یانەکانی ئیسپانیادا، یانەی بەرشەلۆنە ٦ بە ١ لە یانەی ئیباری بردەوە.

لە یارییەکانی هەفتەی پێنجەمی لالیگادا، بەرشەلۆنە لە یاریگای خۆی میوانداری یانەی ئیباری کرد.

لە تایمی یەکەمداو لە خولەکی ٢١ دا ، مێسی بە لێدانی سزا گۆڵی یەکەمی کرد ، دواتر پاولینیۆ جۆنیۆرز لە خولەکی ٣٨ دا گۆڵی دووەمی بۆ بەرشەلۆنە کرد و ئەو تایمە بەو ئەنجامە کۆتاییهات.

لە تایمی دووەمداو لە خولەکی ٥٣ دا دینیس سوارێز گۆڵی سێیەمی بۆ بەرشەلۆنە کرد ، لە خولەکەکانی ٥٩ و ٦٢ و ٨٧ دا ، مێسی سێ گۆڵی کردو بەوەش سوپەر هاتریکی لەو یاریەدا کرد.

بەرشەلۆنە بەو سەرکەوتنە ١٥ خاڵی هەیەو لە پێشەنگدایە.

AM:07:47:20/09/2017

ئه‌م بابه‌ته 795 جار خوێنراوه‌ته‌وه‌‌