كەشناسی پێشبینی هاتنی شەپۆلێكی سەرما دەكات
وێستگە نیوز-
بەڕێوەبەرایەتی كەشناسی هەرێم رایدەگەیەنێت، پێشبینی هاتنی شەپۆلێكی سەرما و دابەزینی پلەكانی گەرمی دەكەن و لەسەر لوتكەی شاخەكانیش بەفر دەبارێت.
بەڕێوەبەرایەتی كەشناسی هەرێم رایگەیاندووە ئەمشەو ئاسمانی ناوچەكانی باكور و ناوەڕاستی هەرێم نیمچە هەور و هەندێ كات هەوری تەواو دەبێت و ناوچەكانی ڕۆژهەڵات پەڵەهەر هەور و نیمچە هەور دەبێت لەگەڵ بارینی بارانی مامناوەند لە ناوچە شاخاوییەكان و بارینی بەفرێكی كەم لەسەر لوتكەی شاخەكان.
هەر بەپێی راگەیەنراوەكە، پێشبینی دەكرێ لە بەرەبەیاندا كەمێك باران لە سەنتەری شاری هەولێر و دهۆك ببارێ، بەهۆی هاتنی بارستە هەوایەكی نیمچە سارد لە توركیاوە سبەی بەیانی پلەكانی گەرما تا ڕادەیەك دابەزێت بە تایبەت لە باكوری هەرێم و خێرایی با (20-25)كم/س دەبێت.
PM:11:08:26/03/2021
ئهم بابهته 16656
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت