دادگای گەرمیان هاوڵاتییەکی بەتۆمەتی ڕوخاندنی ماڵی کورد لەگوڵاڵە سزادا
وێستگەنیوز-
بەڕێوەبەرایەتی ئاسایشی گەرمیان رایگەیاند، دوای ئەوەی لەماوەی رابردودا دوو هاوڵاتیان بەتۆمەتی ڕوخاندنی ماڵی هاوڵاتیانی کورد لەگوڵاڵە و ساختەکردن رێگەپێدانی بازگەکان دەستگیرکردوە، دادگای گەرمیان بڕیاری سزادانی بۆ هەردوو تۆمەتبارەکە دەرکرد و ڕەوانەی بەرێوەبەرایەتی چاکسازی گەورانی سلێمانی کراون.
بەڕێوەبەرایەتی ئاسایشی گەرمیان لەراگەیەنراوێکدا کەوێنەیەکی بۆ وێستگەنیوز نێردراوە هاتووە، دوای ئەوەی لە چەند مانگی ڕابردوودا تواندرا لەلایەن هێزەکانی بەرێوەبەرایەتی ئاسایشی گەرمیانەوە بە تۆمەتی تیرۆر و ساختەکردن (2) دوو تۆمەتبار دەستگیربکرێن، دۆسیەکەیان خرایە بەردەم دادەوەری لیکۆڵینەوەو دوای چەندین دانیشتنی دادگا و خستنەڕووی تەواوی بەڵگەکان و دانپیادانانی تاوانباران بە تاوانەکانیاندا سەرەنجام لە لایەن سەرۆکایەتی دادگای تاوانەکانی کەرکووک/گەرمیان سزا دران.
ئەوەش هاتووە، تۆمەتباری یەکەم بەناوی (ع م م ا) لە دایکبووی (1976)و دانیشتووی گوندی (شفیق ئاغا)ی قەزای خانەقین لە بەرواری 22/5/2019 بە تۆمەتی ئەنجامدانی کردەوەی (تیرۆریستی و تێکدانی ماڵی کوردەکانی ناحیەی گوڵاڵە لە سنووری قەزای خانەقین دەستگیرکراوەو لە بەرواری20/1/2021 بە پێی ماددەی(3)ی تیرۆر بڕگەی(7)بە (6)شەش ساڵ زیندانی سزا درا.
ئاسایشی گەرمیان ئاماژەی بەوەشکردوە، تۆمەتباری دووەم رۆژی 10/11/2020 بە تۆمەتی ساختەکردنی رێگەپێدانی زاڵگە لە سنووری ناحیەی قۆرەتوو دەستگیرکراوە و بەبڕیاری دادگا حەوت مانگ زیندانی دەکرێت.
باس لەوەشکراوە، بۆ بەرسەربردنی ماوەی سزاکانیان ئەو دوو هاوڵاتییە ڕەوانەی بەرێوەبەرایەتی چاکسازی گەورانی سلێمانی کران.
AM:10:52:26/01/2021
ئهم بابهته 920
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت