سەدر هەڵوێستی خۆی لەبارەی دواخستنی هەڵبژاردن رادەگەیەنێت
موقتەدا سەدر، رابەری رەوتی سەدر
وێستگەنیوز-
رابەری رەوتی سەدر رایگەیاند، ئەگەر پێشنیازەکەی کۆمسیۆنی باڵای سەربەخۆی هەڵبژاردنەکان بۆ دواخستنی هەڵبژاردن بەئامانجی باشتر بەڕێوەبەردنی پرۆسەکە و هۆکاری هونەری بێت پەسەندکراوە و بەپێچەوانەشەوە دەبێت چاوەڕوانی بڕیاری توندبێت.
موقتەدا سەدر، رابەری رەوتی سەدر لەراگەیەنراوێکدا رایگەیاند، ئومێدەوارن پێشنیازەکەی کۆمسیۆن بۆ دواخستنی هەڵبژاردن، پێشنیازێکی پیشەیی بێت بەئامانجی بەڕێوەبردنی هەڵبژاردنێکی پاک و بێگەرد و قبوڵکراو، لەو کاتەدا پێشنیازەکە پەسەندکراوە.
ئاماژەی بەوەشکرد، بەپێچەوانەشەوە دەبێت چاوەڕوانی بڕیاری توندبێت و هیوادارن کۆمسیۆن دوربێت لەدەستوەردانی سیاسی و مەزهەبی، بەتایبەت کە هەڵبژاردنی داهاتوو قۆناغی نوێ دەبێتەوە بۆ بەرەنگاربوونەوەی گەندەڵی، ستەم و داگیرکاری.
دوێنێ كۆمسیۆنی باڵای سهربهخۆی ههڵبژاردنهكانی عێراق، لهنوسراوێكدا داوای له مستهفا كازمی سهرۆك وهزیرانی عێراق کرد، ههڵبژاردنی پێشوهخت بۆ 16ی تشرینی یهكهمی 2021 دوابخرێت.
AM:12:09:19/01/2021
ئهم بابهته 3404
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت