بافڵ تاڵەبانی: بەبێ یەکێتی هیچ بڕیار و جوڵەیەکی سیاسی لە کوردستان نادرێت

‌

بافڵ تاڵەبانی، ھاوسەرۆکی یەکێتیی نیشتمانیی کوردستان ئەمڕۆ شەممە لە سلێمانی لەگەڵ مەکتەبی پەیوەندییەکانی حیزبەکەی کۆبوەتەوە و رایگەیاندوە، سیاسەتی نوێی یەکێتی سیاسەتی حەکیمانەدەبێت و لەسەر ئاستی ھەرێم، "ھەموو خەمێکمان بۆ یەکخستنەوەی نێوماڵی کورد و چارەسەرکردنی کێشەکان دەبێت، بۆ بەغداش لەگەڵ سیاسەتی شەراکەت و ھاوسەنگین کەدەستوور بنەمای بێت، کێشەکان چارەسەردەکەین و پەیوەندییەکان رێکدەخەینەوە ، بۆ دونیای دەرەوەش ھەموو ھەوڵێکی دبلۆماتی دەخەینەگەڕ، بۆ پشتیوانیکردن لەبەرژەوەندییە نیشتمانییەکان".

ئاماژەی بەوەشکردوە، یەکێتی و لایەنە سیاسییەکانی هەرێمی کوردستان هەوڵەکانیان بۆ یەکخستنەوە ماڵی کورد و حکومڕانییەکی باشتر بەشێوەیەک ببێتە مایەی سەقامگیری و ئارامی سیاسی و ئابوری و خۆشگوزەرانی زیاتری هاوڵاتیان بەردەوامە و "ئێمە لە یەکێتیی نیشتیمانیی کوردستان سیاسەتمان روولە سیاسەتێکی نیشتمانی و ھاوسەنگە بۆ ھەموو جومگەسیاسییەکان".