یەکەم پەرلەمانتاری عێراق بەهۆی کۆرۆنا گیانی لەدەستدا
وێستگەنیوز-
دەزگاکانی راگەیاندنی عێراق بڵاویانکردەوە، ئەمڕۆ هەینی غیداء کمبش، پەرلەمانتاری پارێزگای دیالە و سەرۆکی لیژنەی خوێندنی باڵا و توێژینەوەی زانستی لە پەرلەمانی عێراق دوای توشبوونی بە ڤایرۆسی کۆرۆنا، گیانی لەدەستدا.
لەوبارەیەوە پەرلەمانتار رەعد دهلەکی بە دەزگاکانی راگەیاندنی عێراق راگەیاندوە، ئەمڕۆ هەینی دوای توشبوونی بە ڤایرۆسی کۆرۆنا و مانەوەی بۆ ماوەی چەند رۆژێک لەژێرچاودێری چڕی پزیشکیدا، غیداء کمبش، پەرلەمانتاری پارێزگای دیالە و سەرۆکی لیژنەی خوێندنی باڵا و توێژینەوەی زانستی لە پەرلەمانی عێراق گیانی لەدەستدا.
ئاماژەی بەوەشکردوە، دو هەفتە لەمەوبەر ئەو پەرلەمانتارە توشی کۆرۆنابوە و لەسەرەتای توشبوونی بەپەتاکە دۆخی تەندروستی ناجێگیربوە.
PM:05:01:10/07/2020
ئهم بابهته 3156
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت