پسپۆڕێكی ئابوری هۆشداری ده‌دات: قه‌رزی عیراق به‌رزده‌بێته‌وه و دینار له‌لێواری داڕماندایه
وێستگه نیوزـ
پسپۆڕێكی ئابوریی عیراق هۆشداری ده‌دات له مه‌ترسیی كه‌ڵه‌كه‌بوونی قه‌رزه‌كانی سه‌ر عیراق به‌هۆی قه‌رزی ناوخۆیی و ده‌ره‌كی له‌پێناو دابینكردنی موچه و رایگه‌یاند كه له‌وانه‌یه ئه‌و قه‌رزانه ببێته‌هۆی داڕمانی به‌های دیناری عیراقی.
نه‌بیل موسه‌وی، پسپۆڕی ئابرویی عیراق رایگه‌یاند تاكه چاره‌سه‌ر بۆ چاره‌سه‌ركردنی كێشه داراییه‌كانی عیراق، پته‌وكردنی داهاته‌كانی ده‌وڵه‌ت و كۆنتڕۆڵكردنی خه‌رجییه‌كان و پاراستنی به‌های دیناری عیراقییه.
موسه‌وی پێی وایه كه ده‌ستبردن بۆ یه‌ده‌گی پاره و به‌رزركردنه‌وه‌ی ئاستی كورتهێنان له بودجه‌دا زیانَكی زۆری ده‌بێت و هه‌ر لاوازبوونێكی یه‌ده‌گی بیانیی عیراق، كاری گریی خراپی له‌سه‌ر به‌های دینار ده‌بێت.
موسه‌وی پێی وایه كه عیراق پێویستی به چاكسازییه‌كی راسته‌قینه‌ی ئابورییه و ئه‌وه‌ش پێویستی به چاكسازیی سیاسییه، ئه‌گه‌ر عیراق وا نه‌كات ئه‌وا وڵات به‌ره‌و نادیار ده‌ڕوات.
وتیشی له به‌رده‌وامبونی ئه‌م قه‌یرانه داراییه‌ی ئێستای عیراقدا، به‌غدا ناچار ده‌بێت بڕیاری قورس بدات و ئه‌و بڕیاره‌ش وا ده‌كات به‌های دیناری عیراقی دابڕمێت.
PM:12:10:20/06/2020
ئه‌م بابه‌ته 3076
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت