وەزارەتی ناوخۆ راگەیەندراوێكی بڵاوكردەوە
وێستگە نیوز-
وەزارەتی ناوخۆی حكومەتی هەرێمی كوردستان نیگەرانی خۆی لەسەر رادەستكردنی ژمارەیەك چەكداری داعش بە حكومەتی عێراق راگەیاند و دەڵێت، "حكومەتی هەرێم ئاگاداری رادەستكردنی ئەو چەكدارانە نییە لەلایەن یەكێتی نیشتیمانی كوردستان".
وەزارەتی ناوخۆی حكومەتی هەرێمی كوردستان رایگەیاندووە "لەڕاگەیاندنەكانەوە هەواڵێك بڵاوكراوەتەوە سەبارەت بەڕادەستكردنی 176 تۆمەتباری تیرۆریست لەسلێمانییەوە بۆ كەركوك، هەروەها لێرە و لەوێ هەندێك لێدوان بڵاودەكرێنەوە گوایە ئەم چەندە بەهەماهەنگی و ئاگاداری حكومەتی هەرێم بووە"، وەزارەتی ناوخۆ دەڵێت "حكومەتی هەرێمی كوردستان نە لەكاتی گرتن و نە لەكاتی رادەستكردنەوەی ئەو تۆمەتبارانە ئاگاداری بابەتەكە نەبووە".
راگەیەندراوەكە ئاماژەی بەوەكردووە "بابەتی هەماهەنگیكردن لەگەڵ دەسەڵاتە فیدراڵییەكان رێكار و میكانیزمی خۆی هەیە كە لەلایەن حكومەتی هەرێمی كوردستان و حكومەتی فیدراڵ بەیاسا و رێنمایی رێكخراون و بابەتی رادەستكردنەوەی ئەم تۆمەتبارانە بەدەر لەم میكانیزمانە ئەنجامدراون".
PM:06:47:21/05/2020
ئه‌م بابه‌ته 4768
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت