سعودییه‌: لێكۆڵینه‌وه‌ سه‌ره‌تاییه‌كان ده‌ریده‌خه‌ن هێرشه‌كان به‌ چه‌كی ئێرانی ئه‌نجامدراوه‌

‌فۆتۆ: گێتی

وێستگه‌ نیوز ـ

وەزارەتی دەرەوەی سعودیە ئەنجامی سەرەتایی لێکۆڵینەوە لە هێرشەکانی سەر پاڵاوگە نەوتییەکانی ئارامکۆی راگەیاند و ئاماژەی بەوەدا، بەپێی ئەنجامە سەرەتاییەکان ئەو هێرشانە بە چەکی ئێرانی ئەنجامدراون.


لەبەیاننامەیەکدا وەزارەتی دەوەی سعودیە ئاماژەی بەوەکرد: لێکۆڵینەوە سەرەتاییەکان دەریدەخەن ئێران هێرشەکانی ئەنجامداوە و چەکی ئێرانی لەو هێرشانەدا بەکارهێنراون.

ئاماژەی بەوەشکردوە، هێرشەکان بەپلەی یەکەم زیانی لە بەرهەمهێنانی وزەی جیهانی گەیاندوە.

دەشڵێت، لێکۆڵینەوەکان لەوبارەیەوە بەردەوامن، سعودیە هەموو رێکارێک دەگرێتەبەر دژی ئەوانەی کە دەست بۆ ئاسایش و سەربەخۆیی وڵاتەکەی دەبەن.

ئەمە لەکاتێکدایە لەناوەڕاستی ئەم مانگەدا لە رێگەی دوو فڕۆکەی بێ فڕۆکەوانەوە هێرش کرایەسەرگەورە کۆمپانیای ئارامکۆ لە سعودیە و بەوهۆیەوە رێژەی لە سەدا 50ی بەرهەمهێنانی نەوتی سعودیە کەمی کرد.

هــ. ر


AM:10:04:17/09/2019


ئه‌م بابه‌ته 312 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو