خشتەی دابەشکردنی موچەی سەرجەم وەزارەتەکان راگەیەندرا
وێستگە نیوز-
وەزارەتی دارایی و ئابوری خشتەی موچەی سەرجەم وەزارەت و دەستەکانی راگەیاند.
ئەمڕۆ سێشەممە ٢٣ی تەمموزی ٢٠١٩ وەزارەتی دارایی و ئابوری حکومەتی هەرێمی کوردستان خشتەی دابەشکردنی موچەی سەرجەم فەرمانبەرانی حکومەتی هەرێمی راگەیاند.
بەپێی خشتەکە سبەینێ چوارشەممە ٢٤ی تەمووزی ٢٠١٩ موچەی هەریەکە لە وەزارەتەکانیی خوێندنی باڵا و وەزارەتی ناوخۆ و هێزی زێرەڤانی و بەرگری و ئەنجومەنی ئاسایش و دەزگای ئاسایش و موچەی لیواکانی یەک و دووی پۆلیسی پاراستنی دامودەزگاکانی نەوت وەزارەتەکانی گواستنەوە و شارەوانی و پلاندانان و کشتوکاڵ و دەستەکان دابەشدەکرێت.
هەروەها رۆژی پێنجشەممە ٢٥ی تەمووزی ٢٠١٩ موچەی وەزارەتەکانی ئاوەدانکردنەوە و نیشتەجێکردن و بازرگانی وپیشەسازی و ڕۆشنبیری و لاوان ، سەرۆکایەتی هەرێم و پەرلەمان ، ئەنجومەنی وەزیران خانەنشینی پێشمەرگە دابەشدەکرێت.
هاوکات رۆژی یەکشەممەی داهاتوو ٢٨ی تەمووزی ٢٠١٩ خانەنشینی مەدەنی دابەشدەکرێت.
ئەم موچەیەی دابەشدەکرێت موچەی مانگی ٤ی ٢٠١٩یە و پێنجەم موچەیە کە بەبێ پاشەکەوت دابەشدەکرێت.
PM:02:07:23/07/2019
ئهم بابهته 13408
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت