لە هەولێر لەسەر پێکدادانی دوو ئۆتۆمبێل شۆفێرێک بە گوللـە کوژرا

‌دیمەنێک لە رووداوەکە

وێستگه‌ نیوز ـ
ئێواره‌ی ئه‌مڕۆ سێشه‌ممه‌ 11ی حوزه‌یرانی 2019، لە هەولێر بەهۆی پێکدادانی دوو ئۆتۆمبێل کێشە لەنێوان دوو شۆفێر دروستبوو، لە ئەنجامدا یەکێک لە شۆفێرەکان تەقەی لە شۆفێرەکەی دیکە کرد و گیانی لەدەستدا.


هۆگر عەزیز، وتەبێژی پۆلیسی هەولێر بە وێستگه‌ نیوزی راگەیاند: "رووداوێكی هاتوچۆی سووك له‌نێوان دوو ئۆتۆمبێلدا روویداوه‌، بەڵام دەمەقاڵێ لەنێوان شۆفێری دوو ئۆتۆمبێله‌كه‌ و لە ئەنجامدا یەکێک لە شۆفێرەکان بەناوی هیشام ئیسماعیل، تەمەن 34 ساڵ لەلایەن شۆفێرەکەی دیکەوە کوژراوە".

وتیشی: "لێکۆڵینەوەی پۆلیس لەسه‌ر رووداوەکە دەستیپێکردووە و لە هەوڵدان بۆ دەستگیرکردنی تۆمەتبارەکە".

هــ. ر


PM:08:47:11/06/2019














ئه‌م بابه‌ته 2472 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو