دوای نزیکەی سێ ساڵ رێگەی سحێلا - زوممار کرایەوە
وێستگە نیوز-
لەلایەن هەردوو حکومەتی هەرێمی کوردستان و حکومەتی عێراق رێگای سحێلا –
زوممار کرایەوە.
ئەمڕۆ سێشەممە ٢١ی ئایاری ٢٠١٩ دوای نزیکەی سێ ساڵ لە داخستنی رێگەی نێوان
سحێلا - زوممار کە لەدوای روداوەکانی ١٦ی ئۆکتۆبەرەوە داخرابو کرایەوە.
کردنەوەی ئەو رێگایەش سەرئەنجامی رێککەوتنی نێوان حکومەتی هەرێم و حکومەتی
عیراقە و ئێستاش رۆژانە
لە کاتژمێر ٦ی بەیانی تاوەکو خۆرئاوابوون دەکرێتەوە، واتە بە شەو هاتووچۆکردن
قەدەخە دەبێت، هەروەها دوو خاڵی پشکنین دانراون لەلایەن حکومەتی هەرێمی کوردستان و حکومەتی عێراقەوە.
داخرانی ئەو رێگەیە ئاستەنگیەکی زۆری
بۆ هاوڵاتیان دروستکردبو چونکە ئەگەر خەڵکی زوممار بیانویستایە بچن بۆ دهۆک دەبو سەرەتا بچونایەتە موسڵ و پاشان بچونایەتە دهۆک،
واتە رێگاکەیان یەک دوو کاژێر زیادی دەکرد، بەڵام دوای ئەنجامدانی چەند
کۆبوونەوەیەک لەنێوان بەرپرسانی حکومەتی هەرێمی کوردستان و حکومەتی عێراق رێگاکە کرایەوە.
هــ. ب
PM:02:00:21/05/2019
ئه‌م بابه‌ته 1692
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت