له هه‌ولێر باوكێك كچه‌كه‌ی خۆی خنكاند
وێستگه نیوز ـ
پۆلیسی هەولێر رایگەیاند، باوکێک کچێکی تەمەن 22 ساڵی خۆی خنکاندووە و وته‌بێژی پۆلیسیش رایده‌گه‌یه‌نێت، كه هۆكاری كێشه‌كه كۆمه‌ڵایه‌تی بووه.
هۆگر عه‌زیز، وتەبێژی پۆلیسی هەولێر بە وێستگه نیوزی راگه‌یاند: ئەمڕۆ سێشه‌ممه لە گەڕەکی ئاییندە سیتی کچێکی 22 ساڵ لە لایەن باوکییەوە خنکێندراوە.
وتیشی: "لە دوای گەیشتنی پۆلیس بۆ شوێنی رووداوەکە باوکەکە دەستگیر کراوە و تەرمی کچەکەش رەوانەی پزیشکی دادوەری کراوە".
وته‌بێژی پۆلیسی هه‌ولێر ئاشكراشیكرد: لێکوڵینەوە لەسەر رووداوەکە دەستی پێکردووە بە پێی زانیارییە سەرەتایەکانی پۆلیس هۆکارەکە کێشەی کۆمەڵایەتی بووە.
ناوبراو ئەوەشی خستەڕوو، هەر لەسەر رووداوەکە پۆلیس کەسێکی دیکەشی دەستگیر کردووە لێکۆڵینەوەش بەردەوامە.
هــ. ر
PM:08:34:07/05/2019
ئه‌م بابه‌ته 3904
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت