باری كه‌شوهه‌وای ئه‌مڕۆ و سبه‌ینێ سێشه‌ممه راگه‌یه‌ندرا
وێستگه نیوزـ
به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی كوردستان رەوشی کەشوهەواو پلەکانی گەرمای شارەکانی هەرێمی بۆ ئەمڕۆ و سبەینێ سێشەممە 23ی نیسانی 2019 راگه‌یاند كه به‌م جۆره‌ی خواره‌وه‌ن.
به‌ڕێوه‌به‌رایه‌تی كه‌شناسی هه‌رێم رایگه‌یاند، ئه‌مڕۆ له شاره‌كانی هه‌رێم ئاسمان هه‌ورو باران ده‌بێت، له‌كات و شوێنی جیاواز، له‌كاته‌كانی شه‌ودا به‌ره‌و نه‌مان ده‌چێت.
ئاماژه‌شی به‌وه‌دا كه به‌رزترین پله‌كانی گه‌رما له هه‌ولێر 17، سلێمانی 15، دهۆك 13، كه‌ركوك 17 پله‌ی سه‌دی ده‌بێت.
كه‌شناسی هه‌رێم ئه‌وه‌شی خستووه‌ته‌ڕوو كه سبه‌ینێ سێشه‌ممه 23ی نیسانی 2019، له شاره‌كانی هه‌ولێر و كه‌ركوك ئاسمان هه‌ور ده‌بێت، پاشان بۆ نیمچه هه‌ور ده‌گۆڕێت، هه‌روه‌ها له سلێمانی و دهۆك، ئاسمان هه‌وری ته‌واو ده‌بێت، له‌گه‌ڵ بارانبارینی پچڕ پچڕ له ناوچه‌ی جیاواز.
روونیشیكرده‌وه كه به‌رزترین پله‌كانی گه‌رما له هه‌ولێر 20، سلێمانی 18، دهۆك 18، كه‌ركوك 20 پله‌ی سه‌دی ده‌بێت.
هــ. ر
AM:10:56:22/04/2019
ئه‌م بابه‌ته 12312
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت