وتیشی: مانگانە 350 ملیار دینار داهاتی ناوخۆمان هەیە، ئیتر ناتوانین کورتهێنانی پینەوپەڕۆ بکەین و لەگەڵ بەغدا رێککەوتوین لیستی مووچەخۆرانی سەربازی و ئەمنیی هەرێم بە کۆد بنێرین بۆئەوەی پارەی مووچە بنێرین.
سه‌باره‌ت به ئه‌گه‌ری كشاندنه‌وه‌ی ئه‌و بره پاره‌یه‌ی كه ئێستا به‌غدا بۆ موچه‌ی مانگی شوبات ناردویه‌تی بۆ هه‌رێم، ئاوات شێخ جه‌ناب وتی: هەر پارەیەک چووبێتەسەر هەژماری بانکیی هەرێمی کوردستان هیچ کەسێک ناتوانێت بیکشێنێتەوەو لەڕووی یاساییەوە کەس ناتوانێت دوسنگاریی بكات، ئەوەی وا دەڵێت بۆ مەبەستی شەخسی ئەو قسانە دەکات و تەنیا بۆ شکاندنی پارتی و یەکێتی ئەوە دەکەن.
وه‌زیری دارایی هه‌رێم سه‌باره‌ت به رێگریكردن له دابه‌شكردنی موچه ئاشكرایكرد كه هیچ لایەنێک لەناو ئەنجوومەنی وەزیراندا دژی دابەشکردنی مووچە نەبووەو بۆ دابەشکردنی مووچەی ئه‌م مانگه‌ش، وتي:"چاوەڕوانین بەغدا مووچەی هێزە ئەمنییەکان و پێشمەرگە بنێرێت".
به‌وته‌ی ئاوات شێخ جه‌ناب، سەرجەم کارەکانی ناردنی لیستی مووچەخۆران بە ئەلیکترۆنی کراون و هەموو مانگێک بە یەک کلیک دەتوانین سەرجەم لیستەکانیان بۆ بنێرین.