سەرۆکی یەکێتی بازرگانی لە ھەرێم: جموجوڵی بازرگانی بەردەوام لە زیاد بوندایە

‌دارا جەلیل خەیات، سەرۆکی یەکێتی ژوورەکانی بازرگانی لە ھەرێمی کوردستان

دارا جەلیل خەیات، سەرۆکی یەکێتی ژوورەکانی بازرگانی لە ھەرێمی کوردستان بە ماڵپەڕی پارتی ڕاگەیاندووە، ''دۆخی بازرگانی لە ھەرێمی کوردستان زۆر باش بووە و بەردەوام لەزیادبووندایە بەھۆی ئەوەی ئەمساڵ کۆرۆنا کەم بووە و نرخی نەوتیش بەرز بووە و کاریگەریی قەیرانی دارایی کەم بووتەوە، بۆیە جووڵەی باش ھەیە و کار دەکرێت بۆ ئەوەی زیاتریش بێت و ھیوادارین ساڵی نوێ کارەکان رێکوپێکتر جێبەجێ بکرێت بۆ ئەوەی بتوانین رێژەکە بۆ ئاستێکی بەرز زیاد بکەین، چونکە ھاتنی شاندی بیانی و بەشداربوون لە پێشانگاکان وای کردووە، زیاتر دۆخی بازرگانی باش بێت.''

باسیلەوەشکردووە، ''ھاتنی شاندی وڵاتان بۆ ھەرێمی کوردستان بەردەوامە و دێن کاری بازرگانی لە ھەرێمی کوردستان دەکەن و بڕیاریشە ھاتنی شاند بەردەوام بێت و ئێمەش ھەموو ئاسانکاری و ھاوکارییان دەکەین بۆ ئەوەی لە ھەرێمی کوردستان کار بکەن.''

ئەوەشیخستۆتەڕوو، ''بەهۆی بەرزبوونەوەی نرخی نەوتەوە جووڵەی بازرگانی بەردەوام لەزیادبووندایە و ئەمساڵ بە رێژەی 40% زیادی کردووە و بەردەوام کار دەکرێت بۆ ئەوەی زیاتریش بێت.''