میدیای یه‌كێتی: بافڵ تاڵەبانی مووچەی دزراوی مامۆستایانی خورماتوو خەرجدەكاتەوە
بافڵ تاڵەبانی
وێستگه نیوز ـ
میدیای یه‌كێتی بڵاویكرده‌وه كه بافڵ تاڵەبانی، هاوسەرۆكی یەكێتیی نیشتمانیی كوردستان بڕیاریدا مووچەی دزراوی مامۆستایانی خورماتوو كە لە ساڵی 2018 لە سنووری ناحیەی زینانە دزرا خەرجبكاتەوە.
میدیای فه‌رمی یه‌كێتی بڵاویكرده‌وه: مەلا كەریم شكور، ئەندامی سەركردایەتی و لێپرسراوی مەڵبەند 16ی رێكخستنی حەمرینی یەكێتیی نیشتمانیی كوردستان و كاندیدی ژمارە 39، بە یاوەری ئه‌ندامانی ئەنجومەنی مەڵبەند لە شاری كەركوك لەگەڵ بافڵ تاڵەبانی، هاوسەرۆكی یەكێتی كۆبوه‌وە.
باسی له‌وه‌شكردووه: "لە كۆبوونەوەكەدا هەلومەرجی قەزای خورماتوو و چۆنێتی بەڕێوەچوونی بانگەشەی هەڵبژاردن قسەی لەسەركرا و هەر لەو كۆبوونەوەیەدا لێپرسراوی مەڵبەندی حەمرین چەند داواكارییەكی خورماتووی خستەڕوو و یەكێك لەوانەش قەرەبووكردنەوەی پارەی دزراوی مامۆستایان بوو كە لە ساڵی 2018 لە سنووری ناحیەی زینانە مووچەی ژمارەیەك مامۆستا دزرا و لای خۆیەوە بافڵ تاڵەبانی، هاوسەرۆكی یەكێتی بڕیاری قەرەبووی مامۆستایانی دا".
PM:01:02:28/09/2021
ئه‌م بابه‌ته 2984
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت