عێراق پاسپۆرت بە کۆچبەرانی عێراقی لە نێوان لیتوانیا و بیلاروس دەدات
کۆچبەرانی لیتوانیا
وێستگە نیوز_
وەزارەتی دەرەوەی عێڕاق، ئهمڕۆ دووشهممه رایگەیاند، دەستدەکات بە پێدانی پاسپۆرت بەو پەنابەرە عێراقییانەی لە سنوری نێوان بیلاروسیا و لیتوانیا گیریان خواردووە.
ئەحمەد سەحاف، وتەبێژی وەزارەتی دەرەوەی عێراق لە راگەیەندراوێکدا کە ئاژانسى ههواڵى عێراق بڵاویکردۆتەوە، رایگهیاندووە،" وەزارەتی دەرەوە بەدەنگ داواکاری بەشێک لە پەنابەرانی گیرخواردووی عێراق لە سنورى نێوان لیتوانیا و بیلاروسیا دەچێت بە پێدانی پاسپۆرت پێیان".
ئاماژەی بەوەشدا، "باڵیۆزخانەی عێراق لە پۆڵەندا شاندێکی ناردووە بۆ سنورەکانی نێوان بیلاروسیا و لیتوانیا بە ئامانجی پێدانی پاسپۆرت بەو پەنابەرانەی بەنیازن بە خواستی خۆیان بگەڕێنەوە".
لە راگەیەنراوەکەدا هاتووە، "یەکێکی دیکە لە ئامانجی ناردنی شاندەکەی باڵیۆزخانە بۆ ئەو ناوچەیە ئاگاداربوونە لە دۆخی مانەوە و گوزەران و پێداویستییە مرۆییەکانیان".
PM:04:20:27/09/2021
ئهم بابهته 4120
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت