واده‌ی دادگایی كردنی مامۆستا به‌ده‌ل به‌رواری دیاریكرا
بەدەل بەرواری
وێستگه نیوز ـ
رۆژی 17ی ئابی 2021، بۆ دادگاییكردنی مامۆستا به ده‌ل به‌رواری دیاری كرا، سه‌رۆكی تیمی پارێزه‌رانی ئه‌و مامۆستایه‌ش زانیاری ده‌دات.
ئاسۆ هاشم، سه‌رۆكی تیمی پارێزه‌رانی به‌ده‌ل به‌رواری، بە وێستگە نیوزی راگەیاند: دادگایی تاوانەكانی دووی هەولێر رۆژی 17ی ئابی 2021ی دیاریكردووه بۆ دادگایی كردنی مامۆستا به ده‌ل به‌رواری.
رۆژی 15ی ئایاری 2020، رۆژێک پێش گردبوونەوەی ژمارەیەک مامۆستای دهۆک لە پارکی ئازادی لە دژی دواکەوتنی مووچەکانیان، مامۆستا بەدەل بەرواری، کە یەکێک بوو لە رێکخەرانی سەرەکیی گردبوونەوەکە، لەلایەن پۆلیسی دهۆکەوە دەستگیرکرا.
هەرچەندە بەدەل بەرواری یەکێک بوو لەو 14 کەسەی، کە دەبووایە لە کۆتایی مایسی رابردوو ئازادبکرێت، بەڵام بە بڕیاری دادوەر بە تۆمەتی هاندان خرایەوە زیندانەوە.
بەگوێرەی ئاماری رێکخراوی مافی مرۆڤی کوردستان- لقی دهۆک، ساڵی رابردوو زیاتر لە 300 مامۆستا و چالاکوان و بەشداربووی گردبوونەوەکانی ناڕەزایەتی لە دهۆک دەستگیرکراون و بەشێکیان دوای چەند کاتژمێرێک ئازادکران، بەڵام تا ئێستا چارەنووسی نزیكه‌ی 50 کەس نادیارە.
PM:12:56:10/05/2021
ئه‌م بابه‌ته 3856
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت