توێژینەوەیەکی نوێ پەیوەندی لەنێوان پچڕانی هەناسە لەکاتی خەودا و کوالیتی تۆو دەدۆزێتەوە

وێستگە ستایل - سۆلین عوسمان

توێژەرانی بواری تەندروستی لە لێکۆڵینەوەیەکی نوێدا ئاماژە بە بوونی پەیوەندییەکی ئەگەری لەنێوان کێشەی پچڕانی هەناسە لەکاتی خەودا و دابەزینی کوالیتی سپێرم دەکەن.

ئەم توێژینەوەیە لە گۆڤاری زانستیی (Sleep Medicine) بڵاوکراوەتەوە و پشکنینی بۆ ٧٢ پیاوی تووشبوو بە پچڕانی هەناسەی چارەسەرنەکراو و ٢٢ پیاوی تەندروست کردووە.

پزیشکان تێبینی کەمیی جووڵەی سپێرم و چەندین جیاوازی دیکەیان لەنێو ئەو بەشداربووانەدا کردووە کە کێشەی خەویان هەبووە، لە کاتێکدا هەندێکیان دوای بەکارهێنانی ئامێری CPAP نیشانەی باشتربوونی جووڵەی سپێرمیان پێوە دیار بووە.

پچڕانی هەناسە لەکاتی خەودا یەکێکە لە گرفتە بڵاوە تەندروستییەکان کە کاریگەری نەرێنی لەسەر ئاستی ئۆکسجین و کارئەندامزانی گشتیی لەش بەجێدەهێڵێت.

پسپۆڕان دەڵێن پێویستە توێژینەوەی بەرفراوانتر ئەنجام بدرێت تا ئەم دەرئەنجامانە بە تەواوی پشتڕاست بکرێنەوە و کاریگەرییە درێژخایەنەکانی بەڕوونی دەستنیشان بکرێن.

گۆڤاری زانستیی سلێپ مەدیسین (Sleep Medicine)

PM:10:42:07/11/2026

ئه‌م بابه‌ته 96 جار خوێنراوه‌ته‌وه‌‌