ڕۆژانە ٣٠ خولەک ڕۆشتنی خێرا مەترسیی نەخۆشییەکانی دڵ بە شێوەیەکی بەرچاو کەمدەکاتەوە

وێستگە ستایل - سۆلین عوسمان

توێژینەوەیەکی نوێی پزیشکی دەریخستووە کە ڕۆژانە تەنها ٣٠ خولەک ڕۆشتنی خێرا بە پێ،

مەترسیی تووشبوون بە نەخۆشییەکانی دڵ و جەڵتە بە شێوەیەکی بەرچاو کەمدەکاتەوە.

توێژەرانی زانکۆیەکی بەریتانی لەسەر زیاتر لە ٥٠ هەزار کەس لە تەمەنە جیاوازەکاندا

لێکۆڵینەوەیان ئەنجامداوە بۆ زانینی کاریگەریی چالاکیی جەستەیی ڕۆژانە لەسەر

درێژکردنەوەی تەمەن و چالاکیی دڵ.

ئەنجامەکان دەریانخستووە ئەو کەسانەی بە بەردەوامی ڕۆژانە دەڕۆن، ڕێژەی کۆلیستڕۆڵی

خراپیان دادەبەزێت، پەستانی خوێنیان هاوسەنگ دەبێت، هەروەها باری دەروونی و

تەندروستی مێشکیشیان زۆر باشتر دەبێت.

نەخۆشییەکانی دڵ هێشتا یەکێکن لە هۆکارە سەرەکییەکانی گیانلەدەستدان لە جیهاندا، و

پزیشکان لە ساڵانی ڕابردوودا بەردەوام هۆشداری دەدەن لە کەمجووڵەیی بەهۆی دانیشتنی

زۆر لە بەردەم شاشەکان.

پسپۆڕان ڕێنمایی دەدەن کە مرۆڤ دەتوانێت بە هەنگاوی سادە وەک بەکارهێنانی قادرمە

لەبری مەسعەد و ڕۆشتن لە کاتی پەیوەندییە تەلەفۆنییەکان، ڕۆتینی ڕۆژانەی

تەندروستانە بکات.

گۆڤاری لانسێت بۆ پزیشکی

PM:11:59:25/09/2026

ئه‌م بابه‌ته 104 جار خوێنراوه‌ته‌وه‌‌