هەنار؛ میوەیەکی بەهێز و پڕ لە سوودی تەندروستی بۆ جەستەی مرۆڤ

وێستگە ستایل - سۆلین عوسمان

هەنار یەکێکە لەو میوانەی کە لە مێژووەوە وەک هێمایەک بۆ تەندروستی و جوانی ناسراوە، چونکە بڕێکی زۆر لە پێکهاتەی خۆراکی گرنگی تێدایە کە بۆ جەستە پێویستن.

ئەم میوەیە بەوە جیا دەکرێتەوە کە دەوڵەمەندە بە دژە ئۆکسانەکان، کە یارمەتیدەرن بۆ کەمکردنەوەی هەوکردن لە ناو جەستەدا و پاراستنی خانەکان لە زیانە جۆراوجۆرەکان.

خواردنی هەنار یان شەربەتەکەی یارمەتیدەرێکی باشە بۆ دابەزاندنی پەستانی خوێن و باشترکردنی تەندروستی دڵ، هەروەها ڕۆڵێکی گرنگی هەیە لە بەهێزکردنی کۆئەندامی

بەرگری دژی ڤایرۆسەکان.

لێکۆڵینەوە زانستییەکان دەریانخستووە کە هەنار سێ ئەوەندەی چای سەوز دژە ئۆکسانی تێدایە، ئەمەش وایکردووە وەک یەکێک لە "سووپەر میوەکان" لە جیهاندا پۆلێن بکرێت.

بۆ ئەوەی لە نەخۆشییەکانی دڵ و پیربوونی پێشوەختە پارێزراو بیت، باشتر وایە لە وەرزی هەناردا ئەم میوەیە بخەیتە ناو ژەمە خۆراکییەکانتەوە و سوود لە تایبەتمەندییە دەرمانییەکانی وەربگریت.

سەرچاوە: ماڵپەڕی تەندروستی Mayo Clinic و Healthline

PM:10:40:01/08/2026

ئه‌م بابه‌ته 56 جار خوێنراوه‌ته‌وه‌‌