قورگ ئێشەی هاوین؛ باشترین چارەسەری سروشتی و خێرا

وێستگە ستایل - سۆلین عوسمان

زۆربەی خەڵک پێیان وایە قورگ ئێشە تەنها نەخۆشییەکی وەرزی زستانە، بەڵام لە هاوینیشدا بەهۆی گۆڕانی کتوپڕی پلەی گەرمی مرۆڤ تووشی دەبێت.

خواردنەوەی ئاوی زۆر سارد لە کاتی گەرمادا و مانەوەی زۆر لەبەر هەوای سپلیت و ئامێرە ساردکەرەوەکان، هۆکاری سەرەکین بۆ وشکبوونەوە و هەوکردنی قورگ.

پزیشکان ئاماژە بەوە دەکەن کە باشترین چارەسەری ماڵەوە بریتییە لە غەرغەرە کردن بە ئاو و خوێی شلەتێن، چونکە یارمەتی لەناوبردنی بەکتریا و ڤایرۆسەکانی ناو قورگ دەدات.

خواردنەوەی شلەمەنییە گەرمەکان وەک چای سەوز یان ئاو و هەنگوین و لیمۆ، یارمەتیدەرێکی زۆر باشە بۆ شێدارکردنەوەی قورگ و کەمکردنەوەی ئازار و سووتانەوەکەی.

بۆ دوورکەوتنەوە لەم حاڵەتە، پێویستە لە هاویندا ئاوی شلەتێن بخورێتەوە و ڕاستەوخۆ لەبەر هەوای ساردی سپلیت نەخەوین بۆ ئەوەی ناوپۆشی قوڕگ پارێزراو بێت.

سەرچاوە: ماڵپەڕی تەندروستی Healthline

PM:12:12:17/07/2026

ئه‌م بابه‌ته 84 جار خوێنراوه‌ته‌وه‌‌