ژیری دەستکرد (AI) لە پزیشکیدا؛ کام بەش زۆرترین سوود لەم تەکنەلۆژیایە وەردەگرێت؟

وێستگە ستایل - سۆلین عوسمان

لەگەڵ پێشکەوتنی خێرای تەکنەلۆژیا، ژیری دەستکرد خەریکە شۆڕشێکی گەورە لە کەرتی پزیشکیدا بەرپا دەکات، پسپۆڕان پێشبینی دەکەن کە لە داهاتوودا چەندین بەشی پزیشکی بگۆڕدرێن، بەڵام یەک بەش هەیە کە وەک پێشەنگ دەبینرێت.

بەشی (تیشکناسی یان ڕادیۆلۆژی - Radiology) وەک ئەو بەشە پزیشکییە دیاری دەکرێت کە زۆرترین و خێراترین سوود لە ژیری دەستکرد وەردەگرێت، ئەمەش بەهۆی ئەوەی کاری ئەم بەشە بە پلەی یەکەم پشت بە "وێنە" و "داتا" دەبەستێت، AI دەتوانێت هەزاران وێنەی تیشکی (X-ray، MRI، CT Scan) لە چەند چرکەیەکدا بشیکاتەوە و بچووکترین نیشانەکانی نەخۆشی یان تومۆر بدۆزێتەوە کە ڕەنگە چاوی مرۆڤ نەیبینێت.

ژیری دەستکرد نەک تەنها لە ناسینەوەی نەخۆشییەکان، بەڵکو لە پێشبینیکردنی بارودۆخی نەخۆشەکانیشدا ڕۆڵی دەبێت، بۆ نموونە لە بەشی دڵ و خوێنپێوەکان، AI دەتوانێت پێشوەختە ئاماژەکانی جەڵتەی دڵ دەستنیشان بکات، هەروەها لە دۆزینەوەی دەرمانی نوێدا، ئەم تەکنەلۆژیایە ساڵانێکی زۆر لە کاتی توێژینەوەکان دەگەڕێنێتەوە.

ئەم پەرەسەندنە بەهۆی سیستەمەکانی (Deep Learning) و مەکینە فێربوونەوەیە، کەوادەکات  ئامێرەکان ڕۆژ دوای ڕۆژ زیرەکتر بن و لە هەڵەکانی پێشوو فێر ببن، ئەمەش ڕێژەی هەڵەی پزیشکی بە شێوەیەکی بەرچاو کەمدەکاتەوە.

لە کۆتاییدا، ژیری دەستکرد نابێتە جێگرەوەی پزیشک، بەڵکو دەبێتە هاوکارێکی زۆر ورد و خێرا کە یارمەتی پزیشکان دەدات بڕیاری دروستتر بدەن و ژیانی ملیۆنان کەس لە مردن ڕزگار بکەن.

گۆڤاری (The Lancet Digital Health)

PM:10:07:20/06/2026

ئه‌م بابه‌ته 80 جار خوێنراوه‌ته‌وه‌‌