مەلەکردن؛ وەرزشێک بۆ هەموو تەمەنەکان و چارەسەری زۆرێک لە کێشە جەستەییەکان

وێستگە ستایل - سۆلین عوسمان

مەلەکردن بە یەکێک لە گشتگیرترین و باشترین جۆرەکانی وەرزش دادەنرێت لە جیهاندا، چونکە لە یەک کاتدا کار لەسەر هەموو ماسولکەکانی جەستە دەکات بەبێ ئەوەی فشار بخاتە سەر جومگەکان.

ئەم وەرزشە سوودێکی بێوێنەی هەیە بۆ سیستەمی دڵ و دەمارەکان، چونکە لێدانی دڵ ڕێکدەخات و توانای سییەکان بۆ هەڵمژینی ئۆکسجین زیاد دەکات، هەروەها باشترین بژاردەیە بۆ دابەزاندنی کێش چونکە لە ماوەی یەک کاتژمێردا بڕێکی زۆر کالۆری دەسووتێنێت.

جگە لە لایەنە جەستەییەکە، مەلەکردن کاریگەرییەکی سیحراوی لەسەر دەروون هەیە، یارمەتی کەمکردنەوەی دڵەڕاوکێ و خەمۆکی دەدات، چونکە ئاو وەک هێورکەرەوەیەکی سروشتی کاردەکات و جەستە هاندەدات بۆ دەردانی هۆرمۆنی ئەندۆرفین کە هۆرمۆنی دڵخۆشییە.

زاناکان ئاماژە بەوە دەکەن کە مەلەکردن بۆ ئەو کەسانەی کێشەی جومگە یان هەوکردنی ئێسقانیان هەیە زۆر گونجاوە، چونکە لەناو ئاودا قورسایی جەستە کەم دەبێتەوە و ئەمەش ڕێگە دەدات ماسولکەکان بە ئاسانی بجوڵێن بێ ئەوەی هەست بە ئازار بکەن.

هەوڵ بدە هەفتانە لانی کەم دوو بۆ سێ جار مەلە بکەیت، چونکە ئەمە نەک تەنها جەستەت ڕێکدەخاتەوە، بەڵکو تەمەن درێژ دەکات و هەمیشە بە گەنجی دەتهێڵێتەوە.

سەرچاوە: ڕێکخراوی تەندروستی جیهانی (WHO)

PM:07:41:11/06/2026

ئه‌م بابه‌ته 28 جار خوێنراوه‌ته‌وه‌‌