مۆز؛ وزەبەخشی سروشتی و چاککەرەوەی ماسولکە

وێستگە ستایل - سۆلین عوسمان

میوەی مۆز وەک سەرچاوەیەکی سروشتی و نایاب بۆ بەرزکردنەوەی ئاستی وزەی جەستە و خێراکردنەوەی پڕۆسەی چاکبوونەوەی ماسولکەکان، بایەخێکی زۆری پێدەدرێت.

بەهۆی دەوڵەمەندییەکەی بە ڕێژەیەکی زۆر لە پۆتاسیۆم و شەکرە سروشتییەکان، مۆز یارمەتی هاوسەنگکردنی خوێ و ئەلیکترۆلیتەکانی جەستە دەدات، ئەمەش وزەیەکی خێرا و بەردەوام بە جەستە دەبەخشێت بەبێ ئەوەی پێویست بە بەکارهێنانی خواردنەوە وزەبەخشە دەستکردەکان بکات. توێژینەوەکان دەریانخستووە کە خواردنی مۆز دوای وەرزش، کاتی پێویست بۆ چاکبوونەوەی ماسولکەکان کەم دەکاتەوە.

جگە لەوەش، مۆز بڕێکی باش لە ڤیتامین B6 ی تێدایە، کە کاردەکاتە سەر باشترکردنی پڕۆسەی میتابۆلیزم و چالاککردنی فرمانەکانی مێشک، ئەم تایبەتمەندییانەش وایکردووە مۆز تەنها بۆ بەهێزکردنی لایەنی جەستەیی بەسوود نەبێت، بەڵکو بۆ تەندروستی گشتی و دەروونیش گرنگ بێت.

هەرچەندە مۆز لە مێژەوە لەلایەن وەرزشوانانی جیهانییەوە بەکارهێنراوە، بەڵام لە ئێستادا پسپۆڕانی تەندروستی زیاتر جەخت لە گرنگییەکەی دەکەنەوە و وەک باشترین جێگرەوەی تەندروست بۆ ئەو سووکە ژەمانەی پێشنیار دەکەن کە پڕن لە شەکر و ماددەی پارێزەر.

زیادکردنی مۆز بۆ پارێزی ڕۆژانە نەک هەر تەنها توانای بەرگەی جەستەیی زیاد دەکات، بەڵکو دەبێتە هۆی کەمکردنەوەی هەستی ماندوێتی و باشترکردنی باری دەروونی، کە ئەمەش کاریگەری ئەرێنی لەسەر چالاکییە ڕۆژانەییەکان دەبێت.

Health and Fitness Journal