پشکنینێکی نوێ هۆکاری شاراوەی پشت بەرزبونەوەی پەستانی خوێن دیاری دەکات
وێستگە ستایل-
کۆمەڵێک لە توێژەرەوەکان لە زانکۆی کۆلدیج لەندەن (UCL) جۆرێک پشکنینی نوێیان داهێناوە بۆ ئەوەی هۆکاری شاراوەی پشت بەرزبونەوەی پەستانی خوێن دیاری بکات ، ئەمەش یارمەتی باشتر چارەسەرکردنی ملیۆنەها هاوڵاتی دەدات کە گرفتی بەرزیە پەستانی خوێنیان هەیە.
ئەم پشکنینە یارمەتی دیاریکردنی هۆکاری بەرزبونەوەی ئاستی هۆرمۆنی ئالدۆستیرۆن دەدات کە یەک لەسە چواری توشبوانی بەرزە پەستان خوێن گرفتی بەرزی دەردانی ئەم هۆرمۆنەیان هەیە کە یارمەتی ڕێکخستنی ئاستی خوێ دەدات لە جەستەدا، دەستنیشانکردنی ئەم گرفتە بەگشتی ئاسان نییە ئەم پشکنینە ڕێگایەکی گونجاوە بۆ دیاریکردنی ئاستی ئەم هۆرمۆنە.
بەرزبونەوەی ئاستی هۆرمۆنی ئالدۆستیرۆن هۆکارە بۆ کۆبونەوەی خوێ لەجەستەدا، ئەوەش وادەکات پەستانی خوێن بەرز ببێتەوە و مەترسی توشبوون بە نەخۆشییەکانی دڵ و جەڵدەی مێشک و نەخۆشییەکانی گورچیلە زیاد دەکات.
لەئێستادا پسپۆڕان لەڕێی پشکنینی PET-CT دەتوانن بەسوود وەرگرتن لە تەکنیکی تایبەت ئاستی دەردانی ئەم هۆرمۆنە لەجەستەی کەسی نەخۆش دیاری بکەن بەبێ ئەوەی هیچ کاریگەریەکی لاوەکی هەبێت وە کاتی پێویست بۆ پشکنینەکە تەنها 10خولەکی دەوێت.
PM:03:56:29/11/2025
ئه‌م بابه‌ته 56
جار خوێنراوه‌ته‌وه