لە وەرزی زستاندا گرنگی بەم 4 جۆرەی میوە بدە
وێستگە ستایل-
وەک دەزانرێت لە وەرزی زستاندا هەندێک میوە و بەرهەمی جیاواز پێدەگەن کە دەوڵەمەندن بە ڕیشاڵ و دژە ئۆکسێنەرەکان.
پسپۆڕێکی خۆراک بە ناوی ڕۆب هۆبسۆن ناوی 4 سەرەکیترین میوەکانی وەرزی زستان ئاشکرادەکات کە سوودێکی تەندروستی زۆریان هەیە و وا باشترە هەتاکو سەرەتای ساڵی تازە بە ڕێژەیەکی بەرچاو بخورێن، ئەوانیش ئەمانەن:
1- بلاکبێری یەکێکە لە میوە تام خۆشەکان و بەرزی ڕێژەی ڕیشاڵ و ئەنسۆسیانین وای کردووە بەسوود بێت بۆ تەندروستی دڵ و مێشک.
2- هەرمێ بڕێکی زۆر لە ڕیشاڵی تێدایە کە یارمەتیدەر دەبێت لە کەمکردنەوەی قەبزی لە وەرزی زستاندا، هەروەها ڤیتامینەکانی B و C و کانزاکانی پۆتاسیۆم و پۆلیفینۆل پارێزگاری لە تەندروستی دڵ دەکەن.
3- سێو میوەیەکی زستانەی بەتامە و دەوڵەمەندە بە پێکهاتەی پێکتین کە بەسوودە بۆ تەندروستی ڕیخۆڵەکان و کەمکردنەوەی ڕێژەی کۆلسترۆلی زیانبەخشی خوێن.
4- خواردنی تووتڕک ڕێگریدەکات لە تووشبوون بە بەکتریای زیانبەخشی E. coli کە هۆکاری سەرەکی هەوکردنی کۆئەندامی میز و میزەڕۆیە.
PM:02:38:29/11/2025
ئه‌م بابه‌ته 80
جار خوێنراوه‌ته‌وه