پزیشكێك: جۆرێك شێرپه‌نجه هه‌ست به نیشانه‌كانی ناكرێت
وێستگە ستایل-
پزیشكی نه‌شته‌رگه‌ر" تیمۆراز گلاكۆف" سه‌رۆكی به‌شی نه‌شته‌رگه‌ری له‌نه‌خۆشخانه‌ی سیتشینۆڤ باس له‌وه ده‌كات شێرپه‌نجه‌ی سییه‌كان ده‌كرێت به‌بێ نیشانه له جه‌سته‌ی كه‌سی توشبوودا ته‌شه‌نه بسه‌نێت و له‌كاتی پشكنینی نه‌خۆشدا هه‌ستی پێناكرێت.
ئه‌م پزیشكه ده‌ڵێت" زۆرجار مرۆڤ هه‌ست به هیچ نیشنایه‌كی نه‌خۆشییه‌كه ناكرێت، ته‌نها له حاڵه‌تی پشكنین به ته‌كنیكی نوێ ده‌كرێت نه‌خۆشییه‌كه له قۆناغی یه‌كه‌م و دووه‌م ده‌ست نیشان بكرێت به‌وه‌ش چانسی چاكبوونه‌وه زیاتر ده‌بێت"
دكتۆر گلاكۆف ده‌شڵێت" ئه‌م جۆره نه‌خۆشییه مه‌ترسیداره پێویستی به چاره‌سه‌ری به‌هێز و هاوكاری نێوان نه‌خۆش و پزیشك به‌یه‌كه‌وه ده‌بێت، هه‌رچه‌نده به‌رده‌وام ئه‌و قسه‌یه دوباره ده‌كرێته‌وه كه شێرپه‌نجه‌ی سییه‌كان بێ چاره‌سه‌ره، به‌ڵام زوو ده‌ستنیشانكردنی نه‌خۆشییه‌كه چانسی مانه‌وه له‌ژیان و زوو چاكبوونه‌وه زیاتر ده‌كات"
باوترین هۆكاره‌كانی توشبوون به‌م جۆره‌ی شێرپه‌نجه بریتیه له" خراپی و پیسی ژینگه‌ی كاركردن به‌هۆی مادده‌ی كیمیاویه‌وه، ئه‌و كه‌سانه‌ی ته‌مه‌نیان سه‌روو 60 ساڵه، پێشتر توشی شێرپه‌نجه بوبێت، كێشانی جگه‌ره به‌هه‌موو جۆره‌كانیه‌وه"
PM:05:56:03/08/2024
ئه‌م بابه‌ته 15804
جار خوێنراوه‌ته‌وه