ئاسمانی مانگی ئەیلول چەندین دیمەنی دەگمەن بۆ هەوادارانی گەردوونناسی دەخاتە ڕوو

وێستگە ستایل - سۆلین عوسمان

مانگی ئەیلول دەرفەتێکی زێڕین دەڕەخسێنێت بۆ ئارەزوومەندانی گەردوونناسی بۆ بینینی هەسارەکان، گەلەستێرەکان و سحابییەکان بە ڕوونییەکی زۆر.

لە دیارترین دیمەنەکانی ئەم مانگە، بینینی هەسارەی کەیوان و موشتەرییە، هەروەها گەلەستێرەی ئەندرۆمیدا کە دەتوانرێت لە ڕێگەی دوربین یان تەلەسکۆپەوە لە شوێنە تاریکەکاندا ببینرێت.

گەردوونناسان چاودێری دوو کلکدار (Comets) دەکەن بە ناوەکانی 10P و 161P، کە چاوەڕوان دەکرێت لە کۆتایی مانگدا ببنە ئامانجێکی سەرنجڕاکێش بۆ وێنەگرانی گەردوون.

لە کۆتایی مانگدا، هەسارەی ڤینۆس (زەهرە) بە گەشاوەیی توند دەردەکەوێت و مانگیش لە

چەندین ئەستێرەی درەوشاوە نزیک دەبێتەوە.

پسپۆڕان ئامۆژگاری دەکەن کە بۆ بینینی ئەم دیمەنانە، پێویستە خەڵکی لە ڕووناکی شارەکان دوور بکەونەوە، چونکە پیسبوونی ڕووناکی ڕێگرە لە بینینی تەنە فەلەکییە کەمڕەنگەکان.

ئەم مانگە بەهۆی جێگیری کەشوهەوا لە زۆر ناوچە، وەک باشترین کات بۆ "ئەسترۆ فۆتۆگرافی" یان وێنەگرتنی گەردوون دادەنرێت.

سەرچاوە: سپەیس دۆت کۆم، ١ی ئەیلولی ٢٠٢٦

PM:11:25:08/09/2026

ئه‌م بابه‌ته 56 جار خوێنراوه‌ته‌وه‌‌