فەلسەفەی ئەفریقی ئیلهامبەخش دەبێت بۆ فیستیڤاڵێکی نوێی فیلم لە مانچستەر

وێستگە ستایل - سۆلین عوسمان

لە شاری مانچستەری بەریتانیا فیستیڤاڵێکی نوێی هونەری بە ناوی "جیهانەکەم ببینە" بەڕێوەدەچێت، کە ئامانج لێی نمایشکردنی کولتوور، فیلم و ئەدەبی ئەفریقییە لە ئاستێکی جیهانیدا.

ئەم چالاکییە کولتوورییە بڕیارە لە ٢١ی تشرینی دووەم دەستپێبکات و تێیدا تیشک دەخرێتە سەر دەنگی هونەرمەندانی سەربەخۆ لە بوارەکانی سینەما، شیعر و سەمای هاوچەرخدا.

بەرنامەی فیستیڤاڵەکە ئیلهامی لە بیرۆکەی بیرمەندان و فەیلەسوفانی ئەفریقا وەرگرتووە تاوەکو پردێکی پەیوەندی لە نێوان مێژوو، ناسنامە و داهاتووی نەوە نوێیەکان دروست بکات. هەروەها پانێڵی گفتوگۆ و وۆرکشۆپی تایبەت بۆ بەشداربووان لەخۆدەگرێت بە مەبەستی گەیاندنی دەنگی کەمینەکان.

لە ساڵانی ڕابردوودا گرنگیدان بە سینەما و بەرهەمە ڕەسەنەکانی ئەفریقا لە شارە ئەوروپییەکاندا گەشەی زۆری بەخۆیەوە بینیوە، شاری مانچستەریش وەک ناوەندێکی فرەکولتوور بەردەوام میوانداری دەستپێشخەرییە جیهانییەکان دەکات.

پێشبینی دەکرێت فیستیڤاڵەکە بینەرێکی بەرفراوان لە نەتەوە جیاوازەکان کۆبکاتەوە و دیدێکی قووڵتر سەبارەت بە میراتی فەلسەفی و هونەری کیشوەری ئەفریقا پێشکەش بکات.

سەرچاوە: تۆڕی میدیای بەریتانی

PM:11:13:08/11/2026

ئه‌م بابه‌ته 76 جار خوێنراوه‌ته‌وه‌‌