گەشتەوانانی ناسا پرۆسەی نوێکردنەوەی سیستەمی وزەی خۆری وێستگەی نێودەوڵەتییان تەواو کرد

وێستگە ستایل - سۆلین عوسمان

گەشتەوانی ناسا ئانیل مێنۆن و گەشتەوانی کەنەدی جۆشوا کوتریک لە ٥ی تشرینی دووەم گەشتێکی بۆشایی ئاسمانیان ئەنجامدا بۆ دانانی دوایین پانێڵی نوێی هەڵکوڵاوی وزەی خۆر لەسەر وێستگەی نێودەوڵەتیی بۆشایی ئاسمان.

کارەکە بە مەبەستی دابینکردنی تەوژم و وزەی پێویست بووە بۆ تاقیگە زانستییەبپێشکەوتووەکانی ناو وێستگەکە.

دانانی ئەم هەشتەمین پانێڵە نوێیە، پرۆسەیەکی گەورەی نوێکردنەوەی بەرهەمهێنانی وزەی کارەبا لەسەر وێستگەکە بە تەواوی کۆتایی پێدەهێنێت.

بەهۆی کۆنبوونی سیستەمە کۆنەکان، لەم ساڵانەی دواییدا وێستگەکە پێویستی بە زیادکردنی سەرچاوەی کارەبا هەبوو بۆ جێبەجێکردنی توێژینەوە نوێیەکان.

بە کۆی گشتی، پانێڵە نوێیەکان دەبنە هۆی زیادکردنی وزەی کارەبای بەردەست لە وێستگەکەدا بە ڕێژەی تا ٣٠٪، کە توانای کارکردنی ئامێرەکان فراوانتر دەکات.

سەرچاوە: ئاژانسی بۆشایی ئاسمانی ئەمەریکا (ناسا)