گۆڕێکی ٢٤٠٠ ساڵە لە تورکیا دوو نەریتی ناشتنی جیاواز ئاشکرا دەکات

وێستگە ستایل - سۆلین عوسمان

شوێنەوارناسان گۆڕێکی دێرینی ٢٤٠٠ ساڵەیان لە نزیک شاری مێژوویی ئادرامیتیۆن لە ڕۆژئاوای تورکیا پشکنی کە پێکهاتەیەکی تەلارسازیی دەگمەنی هەیە.

ئەم مۆنۆمێنتە دوو شێوازی ناشتنی تەواو جیاوازی لەخۆگرتووە؛ ژوورێکی گۆڕستانی لەناو بەرد تاشراو لەگەڵ پێکهاتەیەکی دەرەکی کە هاوشێوەی تەپۆڵکەی ناشتنی نەریتی دروستکراوە.

لە ناوەوەی ژوورەکەدا، توێژەران سێ تەختی بەردینیان دۆزیوەتەوە کە ڕاستەوخۆ لەناو تاشەبەردەکەدا هەڵکۆڵراون بۆ دانانی تەرمەکان.

ناوچەی ئەنادۆڵ لەو سەردەمەدا شوێنی بەیەکگەیشتن و تێکەڵبوونی چەندین شارستانییەت و کەلتووری جیاوازی ڕۆژهەڵاتی ناوەڕاست و یۆنانی بووە.

ئەم دۆزینەوەیە دەلاقەیەکی نوێیە بۆ تێگەیشتن لە نەریتە ئایینییەکان و پەیوەندییە کەلتوورییەکانی نێوان کۆمەڵگە دێرینەکانی ڕۆژئاوای ئەنادۆڵ.

Reference: Arkeonews – November 1, 2026.

PM:07:49:02/11/2026

ئه‌م بابه‌ته 52 جار خوێنراوه‌ته‌وه‌‌