دۆزینەوەی سێ کەشتیی دارینی ١٨٠٠ ساڵە لە ژێر زەویی پەکیندا
وێستگە ستایل-
دۆزینەوەی سێ کەشتیی دارینی ١٨٠٠ ساڵە لە ژێر زەویی پەکیندا
وێستگە ستایل - سۆلین عوسمان
شوێنەوارناسان لە چین زانیاریی نوێیان سەبارەت بە دۆزینەوەی سێ کەشتیی دارینی مێژوویی لە قووڵایی حەوت مەتر لە ژێر شاری پەکین ئاشکرا کرد.
تەمەنی ئەم بەلەمانە بۆ نزیکەی ١،٨٠٠ ساڵ لەمەوبەر دەگەڕێتەوە و لە ڕێڕەوی کۆنی ڕووباری یۆنگدینگ دۆزراونەتەوە کە لە مێژوودا شادەماری هاتووچۆ بووە.
درێژیی یەکێک لە کەشتییەکان نزیکەی ١٥ مەترە، هاوکات لەسەر یەکێکی دیکەیان پیتی فەرمیی چینی هەڵکۆڵراون، ئەمەش دەریدەخات کە کەشتییەکان بۆ کاری فەرمی و حکومی بەکارهێنراون.
ڕووبارەکان لە دێرینەوە لە باکووری چین ڕۆڵی سەرەکییان بینیوە لە گواستنەوەی کەلوپەل و دانەوێڵە بۆ ناوەندەکانی دەسەڵات.
شارەزایان ئەم کەشتییانە بە بەڵگەیەکی بێوێنە دەزانن بۆ سەلماندنی تۆڕی پێشکەوتووی گواستنەوەی ئاویی ناوخۆیی لە مێژووی دێرینی چیندا.
Reference: Arkeonews – November 2, 2026.
PM:07:48:02/11/2026
ئه‌م بابه‌ته 32
جار خوێنراوه‌ته‌وه