شوێنەوارناسانی عێراق پاشماوەی نوێی نیشتەجێبوونێکی ٤٠٠٠ ساڵە لە نزیک بەغدا دەدۆزنەوە

وێستگە ستایل - سۆلین عوسمان

دەستەی شوێنەوار و کەلەپووری عێراق دۆزینەوەی بەڵگە و پاشماوەی نوێی ژیانی شارستانی کۆنی میسۆپۆتامیای لە شوێنەواری گردی محەمەد لە نزیک بەغدا ڕاگەیاند.

دۆزینەوەکان دیوار و دوو دەروازەی بەرگری لەگەڵ پاشماوەی تەلارسازی بۆ ئامادەکردنی خۆراک، کانزاگەری و گۆڕی کۆن لەخۆدەگرن کە مێژووەکەیان بۆ چوار هەزار ساڵ لەمەوبەر دەگەڕێتەوە.

هەڵکۆڵینەکان لە ساڵی ٢٠٢٢ەوە بە هاوبەشی لەگەڵ زانکۆی کاتانیای ئیتاڵی بەڕێوەدەچن و سەرنج دەخەنە سەر شوێنەواری پەیوەندیدار بە شانشینی ئەشنونا کە لە هەزارەی دووەمی پێش زایین گەشەی کردووە.

شوێنەکە بەڵگەی گرنگی سەردەمی بابلی کۆن، بەتایبەت سەردەمی دەسەڵاتی پاشا حاموڕابی لەخۆدەگرێت.

دەسەڵاتدارانی عێراق پلانیان هەیە شوێنەکە بکەنە باخچەیەکی شوێنەواری گشتی و پارچە دۆزراوەکانیش دەگوازرێنەوە بۆ مۆزەخانەی نیشتمانیی عێراق لە بەغدا.

زە ناشناڵ، شەفەق نیوز، زانکۆی کاتانیا.