توێژینەوەیەکی نوێ: دایناسۆری سپاینۆسۆرۆس زۆربەی ژیانی لە ژێر ئاودا بەسەر بردووە
وێستگە ستایل-
توێژینەوەیەکی نوێ: دایناسۆری سپاینۆسۆرۆس زۆربەی ژیانی لە ژێر ئاودا بەسەر بردووە
وێستگە ستایل - سۆلین عوسمان
توێژینەوەیەکی نوێی زانکۆی یەیڵ بەڵگەی بەهێز دەخاتە ڕوو کە دایناسۆری درندەی "سپاینۆسۆرۆس" زۆربەی ژیانی لە ژێر ئاودا بردووەتەسەر، نەک تەنها لە کەناراوەکاندا.
ئەم دەرئەنجامە نوێیە کۆتایی بە مشتومڕێکی زانستیی درێژخایەن دەهێنێت دەربارەی شێوازی ڕاوکردن و ژیانی ئەم دایناسۆرەی کە نزیکەی ١٠٠ ملیۆن ساڵ لەمەوبەر ژیاوە.
توێژەران بە سوودوەرگرتن لە ١١ هەزار پێوانە، وێنەی سیتی سکان و تەکنەلۆژیای ژیریی دەستکرد، بەراوردی ئێسکی ئەم دایناسۆرەیان لەگەڵ جەستەی گیاندارە ئاوییەکانی ئەمڕۆدا کردووە.
پێشتر زانایان ناکۆک بوون لەسەر ئەوەی کە ئایا سپاینۆسۆرۆس تەنها لە کەناری ڕووبارەکاندا ماسی ڕاوکردووە یان بە تەواوی خۆی هەڵکێشاوەتە ژێر ئاو.
بەکارهێنانی ژیریی دەستکرد لە پشکنینی فۆسیلەکاندا ڕێگەیەکی نوێیە بۆ تێگەیشتن لە پەرەسەندنی گیانداران و چۆنیەتی خۆگونجاندنیان لەگەڵ ژینگەی ئاویدا.
زانکۆی یەیڵ / ساینس دەیلی
PM:11:53:25/10/2026
ئه‌م بابه‌ته 124
جار خوێنراوه‌ته‌وه