دەستەی پەیوەندییەکانی بەریتانیا داوای پاراستنی زیاتری منداڵان لە تۆڕە کۆمەڵایەتییەکان دەکات
وێستگە ستایل-
دەستەی پەیوەندییەکانی بەریتانیا داوای پاراستنی زیاتری منداڵان لە تۆڕە کۆمەڵایەتییەکان دەکات
وێستگە ستایل - سۆلین عوسمان
دەستەی ڕێکخستنی پەیوەندییەکانی بەریتانیا (ئۆفکۆم) پێشنیازی کردووە کە دەبێت ڕێوشوێنی یاسایی توندتر بگیرێتەبەر بۆ پاراستنی منداڵان لە بەرامبەر ئەو بابەت و بڵاوکراوە زیانبەخشانەی پەیوەندییان بە خەمۆکی و شێواندنی شێوەی جەستەوە هەیە لە ئینتەرنێتدا.
لە یەکەمین ڕاپۆرتی فەرمیی خۆیدا سەبارەت بە زیانەکانی ئینتەرنێت بۆ سەر منداڵان، دەستەی ئۆفکۆم بە وردی تاوتوێی ئەو بەڵگانەی کردووە کە دەریدەخەن منداڵان و مێردمنداڵان لە تۆڕە کۆمەڵایەتییەکاندا ڕووبەڕووی چ جۆرە بابەتێک دەبنەوە و مەترسییbئەو بابەتانە لەسەر تەندروستیی دەروونییان چەندە.
ئۆفکۆم پێشنیازی کردووە کە بابەتی پەیوەندیدار بە خەمۆکی و ئەو وێنانەی دەبنە هۆی نائومێدی لە شێوەی جەستە، بخرێنە ریزی ئەو بابەتە زیانبەخشانەی کە پێویستە بە شێوەیەکی لەپێشینە چاودێری بکرێن و سنووردار بکرێن.
ئەم پێشنیازانە لە کاتێکدا دێن کە مشتومڕێکی بەردەوام هەیە لەسەر ئەوەی چۆن پلاتفۆرمە دیجیتاڵییەکان دەتوانن ڕێگری لە بڵاوبوونەوەی بابەتی زیانبەخش بکەن بەبێ ئەوەی دەستکاریی ئازادیی ڕادەربڕین و دەستڕاگەیشتن بە زانیاری بکەن.
ڕاپۆرتەکەی ئۆفکۆم لە چوارچێوەی یاسای سەلامەتیی ئۆنلاین بۆ ساڵی ٢٠٢٣ ئامادە کراوە، پێشنیازەکانیش ڕاستەوخۆ نابنە یاسا بەڵکو پێویستیان بە ڕەزامەندی و هەنگاوی زیاتری حکومەت هەیە تا جێبەجێ بکرێن.
ئەم بابەتە بایەخێکی زۆری هەیە بۆ خێزانەکان، مامۆستایان، پسپۆڕانی دەروونی و دەسەڵاتداران، لە کاتێکدا نەوەی نوێ بە شێوەیەکی بەرفراوان بۆ فێربوون و کاتبەسەربردن ئینتەرنێت بەکاردەهێنن.
دەستەی پەیوەندییەکانی بەریتانیا (Ofcom)
PM:11:29:24/10/2026
ئه‌م بابه‌ته 160
جار خوێنراوه‌ته‌وه