ڕاپرسییەک لە فەرەنسا: منداڵان زۆر زیاتر لەوەی دایک و باوکیان دەیزانن ژیریی دەستکرد بەکاردەهێنن

وێستگە ستایل - سۆلین عوسمان

ڕاپرسییەکی نوێ کە لە لایەن تۆڕی یۆرۆنیوزەوە بڵاوکراوەتەوە، دەریدەخات کە کەلێنێکی بەرچاو لە نێوان ڕێژەی بەکارهێنانی ژیریی دەستکرد لە لایەن منداڵان و ئاگاداریی باوان لە بارەی ئەو بەکارهێنانەوە لە فەرەنسادا هەیە.

لەو ڕاپرسییەدا کە لە لایەن دامەزراوەی یۆگۆڤ (YouGov) ئەنجامدراوە، ٤٠٪ی ئەو منداڵانەی تەمەنیان لە نێوان ١١ بۆ ١٢ ساڵدایە ڕایانگەیاندووە کە هەفتانە ژیریی

دەستکرد بەکاردەهێنن، لە کاتێکدا تەنها ٢٦٪ی دایک و باوکان ئاگاداری ئەو بابەتە بوون.

توێژینەوەکە هەروەها دەریخستووە کە ٤٢٪ی باوان هەست دەکەن ڕێنمایی و پاڵپشتیی پێویستیان نییە بۆ ئەوەی فێری منداڵەکانیانی بکەن چۆن بە بەرپرسیارانە سوود لە ژیریی دەستکرد وەربگرن، لە کاتێکدا منداڵان بۆ ئەرکی ماڵەوە، گەڕان و توێژینەوە، تۆڕە کۆمەڵایەتییەکان و ئامرازەکانی چات بەکاری دەهێنن.

فراوانبوونی خێرای بەکارهێنانی ئەم ئامرازە نوێیانە لە نێو هەرزەکاراندا پرسیاری گەورەی لەبارەی ئاستی هۆشیاریی دیجیتاڵی، پاراستنی نهێنی و کاریگەرییەکانی لەسەر

ڕێڕەوی پەروەردە دروستکردووە.

توێژەران و داکۆکیکارانی سەلامەتیی منداڵان دەڵێن چاودێریی ماڵبات بە تەنیا بەس نییە، بەڵکو دەبێت ناوەندەکانی خوێندن و کۆمپانیاکانی تەکنەلۆژیا پشتیوانیی

پەروەردەیی زیاتر و ڕێکاری پاراستنی توندتر بۆ ژینگەی دیجیتاڵیی منداڵان دابین بکەن.

یۆرۆنیوز

PM:09:37:23/10/2026

ئه‌م بابه‌ته 52 جار خوێنراوه‌ته‌وه‌‌