زریانی چامپی گەشتە ئاسمانییەکان، خوێندنگەکان و ژیانی ڕۆژانە لە تایوان پەکدەخات

وێستگە ستایل - سۆلین عوسمان

گەیشتنی زریانی بەهێزی "چامپی" بۆ ناوچەکانی دەوروبەری تایوان با و بارانی بەخوڕی لێکەوتەوە، کە بەهۆیەوە ژیانی ڕۆژانە پەکیکەوت و ڕێکارە خۆپارێزییەکان لە سەرانسەری دوورگەکەدا گیرانەبەر.

بەپێی ڕاپۆرتە سەرەتاییەکان، بەهۆی کاریگەریی زریانەکەوە کەسێک گیانی لەدەستداوە و زیاتر لە ١٧٠ کەسی دیکەش بریندار بوون، هەروەها دەسەڵاتداران زیاتر لە ٢،٦٠٠

دانیشتووی ناوچە شاخاوییە مەترسیدارەکانیان بەرەو ناوچەی ئارام چۆڵکردووە.

بەپێی ئاژانسی ئەسۆشیەیتد پرێس، کێشەکان کەرتی گواستنەوەی ئاسمانییان گرتەوە و ٢٦٢ گەشتی ناوخۆیی و ٦٦٩ گەشتی نێودەوڵەتی لە تایوان هەڵوەشێنرانەوە، هاوکات دەرگای قوتابخانە و فەرمانگەکان داخران و چەند دوورگەیەکی ژاپۆنیش دووچاری پچڕانی کارەبا و وەستانی گەشتەکان بوونەوە.

وەرزی زریانە وەرزییەکان لە ئۆقیانووسی هێمن زۆرجار ڕووبەڕووی تایوان و وڵاتانی دەوروبەری دەبێتەوە، بەڵام ئەم زریانە بەهۆی بارستایی و هێزەکەیەوە کاریگەریی

بەرچاوتری لەسەر کەناراوەکان دروستکردووە.

سەرەڕای ئەوەی هێزی چامپی لە قۆناغی سوپەر-تایفۆنەوە کەمیکردووە، بەڵام بەرپرسان بەردەوامن لە هۆشداریدان سەبارەت بە بارانبارینی بەلێزمە و شەپۆلی مەترسیداری کەناراوەکان، هاوکات جەخت لە بەهێزکردنی ئامادەکارییەکان بۆ ڕووداوە لەناکاوەکان دەکەنەوە.

ئەسۆشیەیتد پرێس

PM:09:36:23/10/2026

ئه‌م بابه‌ته 80 جار خوێنراوه‌ته‌وه‌‌