دەزگای نیشتمانی بۆ زانستی ئەمریکا دەستپێشخەری و بوودجەی نوێ بۆ توێژینەوەکانی زیرەکی دەستکرد ڕادەگەیەنێت

وێستگە ستایل - سۆلین عوسمان

دەزگای نیشتمانی بۆ زانست لە ئەمریکا (NSF) چەندین بەرنامەی نوێی ڕاگەیاند بە مەبەستی خێراکردنی دۆزینەوە زانستییەکان، هاندانی بەکارهێنانی زیرەکی دەستکرد لە توێژینەوەدا، و پاڵپشتیکردنی دارایی بۆ پێگەیاندنی زانایانی داهاتوو.

دەستپێشخەرییەکان دامەزراندنی "نووسینگەی مێتاساینس" لەخۆدەگرن بۆ پەرەپێدانی سیستمی پێدانی بوودجەی زانستی، هاوشانی ڕاگەیاندنی پێشبڕکێی زانستی لە بوارەکانی زانستی کوانتەم و زیندەوەرزانی دەستکرد.

ئەم دەزگایە پلانی داناوە تا ٧٥ ملیۆن دۆلار لە ماوەی پێنج ساڵدا خەرج بکات بۆ دروستکردنی تاقیگە و ئامێری زانستی پێشکەوتوو کە بە بنەڕەت پشت بە زیرەکی دەستکرد دەبەستن و بە شێوەیەکی ئۆتۆماتیکی کار دەکەن.

لە بواری پەروەردەشدا، دەزگاکە ٣٠ ملیۆن دۆلاری لە ماوەی چوار ساڵدا بۆ پرۆگرامی پشتگیری بەهرەمەندانی ماتماتیک تەرخان کردووە، هاوکات پرۆگرامی پێگەیاندنی نەوەی نوێ لە قۆناغی زانکۆوە تا ئاستی دکتۆرا جێبەجێ دەکات.

ئەم هەنگاوانە گوزارشت لە گرنگیپێدانی زۆری ناوەندە زانستییەکان دەکەن بە تەکنەلۆژیای پێشکەوتوو، بە مەبەستی دۆزینەوەی وەڵام بۆ پرسە زانستییە ئاڵۆزەکان و بەکارهێنانیان لە خزمەتی مرۆڤایەتیدا.

دەزگای نیشتمانی بۆ زانست لە ویلایەتە یەکگرتووەکانی ئەمریکا (NSF)

PM:08:09:12/10/2026

ئه‌م بابه‌ته 172 جار خوێنراوه‌ته‌وه‌‌