توێژینەوەیەک دەریدەخات دۆلفینەکان شوێنی پەیوەندی کۆمەڵایەتی لە ناوچەی ڕاوکردنیان جیا دەکەنەوە
توێژینەوەیەک دەریدەخات دۆلفینەکان شوێنی پەیوەندی کۆمەڵایەتی لە ناوچەی ڕاوکردنیان جیا دەکەنەوە
وێستگە ستایل - سۆلین عوسمان
زانایانی بایۆلۆجی دەریایی لە کەناراوەکانی فلۆریدا بەڵگەی نوێیان دۆزیوەتەوە کە دەریدەخات دۆلفینەکان ناوچەی جیاواز لە زەریا بەکاردەهێنن بۆ پەیوەندیی کۆمەڵایەتی بە بەراورد بەو ناوچانەی تایبەتن بە ڕاوکردن و خواردن.
ئەم دەرئەنجامانە کە لە ١ی تشرینی یەکەم لە گۆڤاری زانستیی (PeerJ) بڵاوکراونەتەوە، لە ڕێگەی ل ژێردەریاییەکی بێ سەرنشینی وزەی خۆرەوە تۆمارکراون کە دەنگی دۆلفینەکان و بارودۆخی ژینگەیی کەناراوەکانی فلۆریدا پێوانە کردووە.
شیکردنەوەی زیاتر لە ١٦٠٠ تۆماری دەنگی دەریخستووە کە فیکە لێدان، کە بۆ پەیوەندیی کۆمەڵایەتی بەکاردێت، زیاتر لە ناوچە نزیکەکانی کەناراو تۆمارکراوە، لە کاتێکدا
دەنگی کرتەکرتی خێرا کە بۆ دەستنیشانکردنی شوێنی نێچیر بەکاردێت، لەو ناوچانە بەرز بووە کە ماسیی زۆریان لێ بووە.
توێژینەوەکە هەروەها ئاماژەی بەوە کردووە کە لەوانەیە هەندێک جۆری ماسی لە کاتی نزیکبوونەوەی دۆلفین بێدەنگ بن و دەنگ دەرنەکەن بۆ خۆپاراستن لە ڕاوکردن، کە ئەمەش ڕەفتارێکی ژینگەییە و پێویستی بە بەدواداچوونی زیاترە بۆ تێگەیشتن لە سیستەمی دەریایی.
تێگەیشتن لە چۆنیەتی دابەشکردنی کات و شوێنی دۆلفینەکان لەنێوان کۆمەڵایەتیبوون و ڕاوکردندا یارمەتی پارێزەرانی ژینگە دەدات بۆ دەستنیشانکردنی ناوچە پارێزراوەکان لە بەرامبەر ژاوەژاوی مرۆیی و گەرمبوونی ئاوی دەریاکان.
گۆڤاری زانستیی (PeerJ)
PM:11:58:10/10/2026