بەخشینێکی نوێ ڕۆبۆتی نەرم و فێربوونی زیرەکی دەستکرد دەباتە نێو خوێندنی زانکۆ

وێستگە ستایل - سۆلین عوسمان

توێژەرانی زانکۆی ویلایەتی کێنیساو بەخشینێکی دەزگای نیشتمانی بۆ زانست (NSF) بەببەهای ٣٩٩،٩٥٣ دۆلار بەدەستهێنا، بە مەبەستی بەرەوپێشبردنی پەروەردە و توێژینەوە لە بواری "ڕۆبۆتی نەرم" لەنێو خوێندکارانی ئەندازیاریدا.

پڕۆژەکە لەلایەن عایشە تێکێس سەرپەرشتی دەکرێت و هەریەک لە ڕازڤان ڤۆیکو و لێی شی وەک هاوکار بەشدارن، ئامانجی سەرەکی تێکەڵکردنی نموونەی فیزیکییە لەگەڵ ئامراز دیجیتاڵییەکاندا تا خوێندکاران لە ڕێگەی تاقیگە و شبیھسازی کۆمپیوتەرییەوە فێریبدروستکردنی ڕۆبۆت ببن.

توێژینەوەکە ئامرازەکانی زیرەکی دەستکرد، دوانەی دیجیتاڵی لە پڕۆگرامی ماتیاب و مۆدێلسازی ناهێڵی لەخۆدەگرێت، ئەمەش وا دەکات خوێندکاران بتوانن ڕەفتاری سیستەمە ئەندازیارییەکان بە شێوەیەکی مەجازی تاقی بکەنەوە و لەگەڵ ئامێرە ڕاستەقینەکاندا بەراوردی بکەن.

ڕۆبۆتی نەرم بووەتە بوارێکی گرنگ چونکە کەرەستە نەرمەکان دەتوانن بە شێوازێکی جیاواز لە ڕۆبۆتە ڕەقە تەقلیدییەکان بجوڵێن و لەگەڵ مرۆڤدا بە سەلامەتی کار بکەن، ئەمەش سوودی زۆری بۆ بواری چاودێری پزیشکی و کەرەستەی یارمەتیدەر دەبێت.

پڕۆژەکە بەستەرێکی نوێ لە پەروەردەی ئەندازیاریدا دروست دەکات و دەستڕاگەیشتن بە تەکنەلۆژیای پێشکەوتوو ئاسان دەکات، خوێندکاران دەتوانن زۆر بە خێرایی لە قۆناغی بیرۆکەی تیۆرییەوە بەرەو تاقیکردنەوەی پراکتیکی هەنگاو بنێن.

زانکۆی ویلایەتی کێنیساو؛ دەزگای نیشتمانی بۆ زانست.

PM:11:24:08/10/2026

ئه‌م بابه‌ته 108 جار خوێنراوه‌ته‌وه‌‌