هۆڵیوود لە هەنگاوێکی مێژووییدا یاسای نوێ بۆ بەکارهێنانی ژیریی دەستکرد لە سینەمادا دادەنێت

وێستگە ستایل - سۆلین عوسمان

کۆمپانیا گەورەکانی بەرهەمهێنانی فیلم لە هۆڵیوود گەیشتنە ڕێککەوتنێکی نوێ بۆ

دانانی سنوور بۆ بەکارهێنانی ژیریی دەستکرد لە نووسینی سیناریۆ و بەرهەمهێنانی

فیلمدا.

ئەم ڕێککەوتنە لە دوای چەندین مانگ لە گفتوگۆی چڕ لەگەڵ سەندیکای نووسەران و

ئەکتەران هات کە نیگەران بوون لە جێگرتنەوەی بەهرەی مرۆیی بە بەرنامە زیرەکەکان.

بەپێی بڕیارە نوێیەکان، هیچ بەرنامەیەکی ژیریی دەستکرد ناتوانێت وەک نووسەری سەرەکی

سیناریۆ دەستنیشان بکرێت و نابێت دەنگ و ڕووخساری ئەکتەران بەبێ ڕەزامەندیی

پێشوەختە و قەرەبووی دارایی کۆپی بکرێتەوە.

هاتنەکایەی ژیریی دەستکرد لە ساڵانی دواییدا گۆڕانکاریی خێرای لە پیشەسازیی

سینەمادا دروستکردووە و لە هەمان کاتدا ترسی لەدەستدانی هەلی کاری لەلایەن هەزاران

هونەرمەندەوە لێکەوتووەتەوە.

سینەماکاران ئەم بڕیارە بە سەرکەوتنێکی مێژوویی دادەنێن بۆ پاراستنی ڕۆحی داهێنان و

هەستی مرۆیی لە کایەی هونەری حەوتەمدا.

هۆلیوود ڕیپۆرتەر

AM:12:00:26/09/2026

ئه‌م بابه‌ته 84 جار خوێنراوه‌ته‌وه‌‌