مۆزەخانەکانی فەرەنسا ڕووبەڕووی شەپۆلێکی نوێی دزینی کەلەپوور و کارە هونەرییەکان دەبنەوە

وێستگە ستایل - سۆلین عوسمان

مۆزەخانەکانی فەرەنسا رووبەڕووی نیگەرانییەکی گەورە بوونەتەوە لەبارەی پاراستنی گەنجینە کولتوورییەکان، ئەمەش دوای زنجیرەیەک دزیکردنی خێرا کە کەلوپەلی زێڕ، زێڕینگەری و تابلۆ هونەرییە بەناوبانگەکانی گرتووەتەوە.

ڕووداوەکانی ئەم دواییە دزینی چەندین کەلوپەلی بەنرخ لە مۆزەخانەکان و دزینی دوو تابلۆی هونەرمەند پیێر ئۆگست ڕێنوار لە مۆزەخانەی ڕێنوار لە شارۆچکەی کاگن سور مێربلەخۆدەگرێت.

گرووپە تاوانکارییەکان زیاتر ئەو شوێنەوارانە دەکەنە ئامانج کە زێڕ یان بەردی بەنرخیان تێدایە، چونکە دەتوانرێت بە ئاسانی بفرۆشرێن یاخود بتوێندرێنەوە.

ئەم هێرشانە کێشەیەکی سەختیان بۆ مۆزەخانەکان دروستکردووە، بەوپێیەی بینا مێژووییەکان زۆرجار کۆمەڵەیەکی گرانبەهایان تێدایە بەڵام ڕەنگە سیستەمی ئەمنیی هاوشێوەی دامەزراوە بازرگانییە نوێیەکانیان نەبێت.

زیانەکە تەنها لایەنی دارایی ناگرێتەوە، بەڵکو ونبوونی ئەم شوێنەوارانە دەبێتە هۆی لەدەستچوونی بەشێک لە یادەوەریی کولتووری کە قەرەبوو ناکرێتەوە، ئەمەش وایکردووە فشارەکان لەسەر حکومەت و مۆزەخانەکان بۆ توندکردنەوەی چاودێری و پاراستنیان چڕتر ببێتەوە.

سەرچاوە: ئەسۆشیەیتد پرێس، ١٠ی ئەیلوولی ٢٠٢٦

PM:08:44:11/09/2026

ئه‌م بابه‌ته 60 جار خوێنراوه‌ته‌وه‌‌