مۆزەخانەی هونەری گێڕانەوەی جۆرج لوکاس لە لۆس ئەنجلۆس دەکرێتەوە

وێستگە ستایل - سۆلین عوسمان

مۆزەخانەیەکی گەورە و نوێ کە تایبەتە بە "هونەری گێڕانەوە" ئامادەکاری دەکات بۆ کردنەوە لە شاری لۆس ئەنجلۆس، کە هونەری شێوەکاری، سینەما و کولتووری گشتی لە یەک شوێندا کۆدەکاتەوە.

مۆزەخانەی لوکاس بڕیارە لە 22ی ئەیلوولدا لە پارکێکی گەورەی لۆس ئەنجلۆس بکرێتەوە و ڕووبەرەکەی نزیکەی 300 هەزار پێی چوارگۆشەیە، کە تیشک دەخاتە سەر پەرەسەندنی چیرۆکگێڕانی بینراو.

ئەم مۆزەخانەیە بە ناوی جۆرج لوکاسی دەرهێنەری فیلمی ناسراوی (Star Wars) ناونراوە و ئامانجی ئەوەیە نیشانی بدات چۆن فیلم و کۆمیک و تابلۆکان هەمان ئامانجی چیرۆکگێڕانیان هەیە.

ئەم شێوازە نیشانەی ئەوەیە کە ئێستا کولتووری گشتی و سینەماش وەک هونەرە کلاسیکییەکان سەیر دەکرێن و بایەخیان پێ دەدرێت.

سەردانکەران دەتوانن لەوێدا کارە هونەرییەکانی تایبەت بە کێشانی وێنە، تابلۆ و جیهانی فیلمسازی و شێوازە جیاوازەکانی گێڕانەوە ببینن.

ئەم مۆزەخانەیە وەبەرهێنانێکی گەورەیە لە کەرتی کولتووری لۆس ئەنجلۆس و دەبێتە ناوەندێکی گرنگ لە تەنیشت دامەزراوە پەروەردەیی و زانستییەکانی دیکەی شارەکە.

کردنەوەی ئەم مۆزەخانەیە دەبێتە جێگەی سەرنجی گەشتیاران و ئەو کەسانەی حەزیان بە هونەری کلاسیکی و مۆدێرنە.

ئەم پڕۆژەیە دەلمێنێت کە مۆزەخانەکان ئێستا گۆڕانکارییان بەسەردا هاتووە و پێناسەیەکی فراوانتر بۆ هونەر و چیرۆکگێڕان دەخەنە ڕوو.

سەرچاوە: پارەید، 6ی ئەیلوولی 2026.

PM:06:38:06/09/2026

ئه‌م بابه‌ته 52 جار خوێنراوه‌ته‌وه‌‌